成人快手

Yn ferch fach y sgrifennodd Gwen Lasarus ei llyfr cyntaf.
"Dwi'n cofio," meddai wrth Gaynor Davies, "sgwennu stori am ryw oen bach - mewn llyfr coch - a dewis y llun i'w roi ar y clawr a sgwennu fy enw yn dwt o dan teitl y stori a gorffen y llyfr.

"Roeddwn i mor falch o'r llyfr bach yna a dwi'n si诺r mai dyna pryd cychwynnodd y syniad yn y mhen i o efallai un diwrnod sgwennu nofel - a dyna ddigwyddodd," meddai.

Hadau bach
Aeth y llyfr bach hwnnw ar goll bellach - ond fe ddaeth triawd o nofelau ar gyfer pobl ifainc gyda'r olaf ohonyn nhw yn gweld golau dydd cyn y Nadolig 2007.

"Mae'r hadau bach yna yda ni'n gael pan yn fach yn parhau yn ein pennau," meddai.

Nofelau ar gyfer yr arddegau yw rhai 'Hogan Fler' a hynny'n adlewyrchu'r ffaith iddi hi ei hun weld prinder nofelau ar gyfer yr oed hwn pan oedd hi yn ei harddegau ac yn gorfod neidio'n syth o ddarllen straeon i blant i ddarllen llyfrau oedolion.

Oed anodd
Er yn oed anodd sgrifennu ar ei gyfer dywedodd ei fod yn rhoi pleser hefyd.

"Mae gen i ddiddordeb mewn plant o 12 oed i fyny achos maen nhw'n mynd mor gyfrinachol. Mae ganddyn nhw eu bywydau bach eu hunain ac oedolion ddim yn cael dod i mewn i'r bydau hynny - a dyna sydd mor ddiddorol am yr oed.

"Mae'n dipyn o sialens i dreiddio i'w byd," meddai.

Ond er mai fel awdur nofelau 'Hogan Fler' y mae'n adnabyddus dywedodd mai drama fer a sgrifennodd gyntaf.

Datgelodd hefyd iddi ddewis ffurf dyddiadur ar gyfer ei nofelau oherwydd cyfyngiadau amser arni fel mam i blant bychain ar y pryd a dyddiadur yn rhywbeth haws mynd a dod iddo fel y byddai amser yn caniat谩u.

Ar y gweill ganddi ar hyn o bryd mae nofel ar gyfer oedolion ond ychwanegodd;
"Ond dydw i ddim yn meddwl cau'r drws ar lyfrau plant."