Cumail orra leis a' phlana
B' fheudar dhuinn feitheamh fad greis airson na h-òraid aig Dà ibhidh Camshron an-diugh. Chan eil fios an robh an sgioba aige fhathast ga h-ath-sgrìobhadh as dèidh mar a nochd loidhne air a' mhadainn ag rà dh, a-rèir coltais, gum bu chòir do theaglaichean na cairtean creideis aca a phà igheadh dheth. Fiù 's mus do ruig am prìomhaire an t-à rd-ùrlar, bha an loidhne seo air atharrachadh gus a rà dh dìreach gun robh teaghlaichean ga dhèanamh seach a bhith ga mholadh. Thuirt Mgr Camshron gun do sheall seo gun robh daoine a' tuigsinn - fiù 's anns na dachaighean aca fhèin - gu feumadh dèiligeadh ri fiachan, mar a bha an riaghaltas a' dèanamh ag ìre nà iseanta. 'S dòcha nach robh ach mearachd anns a' chiad dreach dhen loidhne a chaidh a sgaoileadh chun nam meadhanan, mar a tha sgioba a' phrìomhaire air a bhith ag rà dh. Ach fiù 's mas e mearachd a bha ann, tha i a' foillseachadh an duilgheadais a tha aig an riaghaltas leis an eaconamaidh. Misneachd 'S e sin, ciamar as urrainn dhaibh toirt air an eaconamaidh fàs gun barrachd airgid a chosg? Air a' mhadainn bha cuid a' faighneachd am bu chòir don riaghaltas a bhith a' brosnachadh dhaoine na cairtean creideis aca a phà igheadh dheth an à ite a bhith a' cosg airgid anns na bùithtean. Aig a' cheann-thall - as bith dè as adhbhar - cha deach am prìomhaire cho fada sin. Ach tha Mgr Camshron là idir dhen bheachd nach gabh faighinn a-mach às an staing tro iasadan eile agus fiachan nas motha. Dh'innis e do cho-labhairt nan Tòraidhean ann am Manchester gur e staing nam fiachan a bha seo agus gun deigheadh fiachan ùra cron air misneachd nam margaidhean, a' dèanamh chùisean fiù 's nas miosa. Na bheachd, cha robh roghainn sam bith eile ach cumail orra leis a' phlana. Sgaradh Tha sgaradh soilleir eadar na Tòraidhean Is na cà irdean Lib Deamach aca, agus na Là baraich agus an SNP a tha a' moladh gun tèid barrachd a chosg gus spionnadh a thoirt don eaconamaidh. Tha an dà phà rtaidh sin an dòchas gum faigh iad buannachd phoileataigeach bho na gearraidhean a tha Mgr Camshron a' cumail a-mach a tha deatamach gus dèiligeadh ris na fiachan a dh'fhà g an riaghaltas Là barach mu dheireadh às an dèidh. Do na Tòraidhean - agus do Dhà ibhidh Camshron gu sònraichte - 's e an trioblaid nach faca sinn an eaconamaidh a' fàs a-rithist fhathast. Tha fios aige nach gabh an sluagh ris a' phian mura creid iad gu bheil e ag obair. Bha na daoine anns an talla mhòr ann am Manchester riaraichte gu leòr leis na thuirt an ceannard aca an-diugh. Ach tha an tìde a' ruith orra gus taic fhaighinn bhon fheadhainn taobh a-muigh.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
