DÃ rna roghainnean
Tha Gòrdon Brown airson referendum a chumail as dèidh an taghaidh gus taic fhaighinn bhon mhòr-shluagh airson an siostam-bhòtaidh ann am Westminster atharrachadh.
Dh'fhaodadh sibh tomhas gu bheil Mgr Brown ag amas air taic fhaighinn bho na Lib Deamaich mas e is gum bi pà rlamaid gun mhòr-chuid nuair a thèid bhòtaichean a chunntadh.
Anns an eadar-ama, tha aige ri taic fhaighinn bho na buill a tha a' frithealadh Westminster an-drà sta.
Ged nach eil plana Mhgr Brown a' dol fada gu leòr dhaibh, tha dùil gun bhòt na Lib Deamaich air a shon.
Ach tha na Tòraidhean an aghaidh atharrachaidh sam bith don t-siostam-bhòtaidh.
Agus tha dùil ri ar-a-mach bho chùl-bheingearan a' phrìomhaire fhèin.
Sgaraidhean
'S e cuspair a tha seo a dh'adhbhraicheas sgaraidhean anns a' phà rtaidh Là barach.
Bha gealltanas air atharrachadh don t-siostam-bhòtaidh ann am manifesto a' phà rtaidh ann an 1997.
Ach b' e an fhìrinn gun robh tòrr anns a' phà rtaidh gu tur na aghaidh agus cha mhòr nach do dh'fhalbh a' chuspair far a' chlà ir as dèidh .
Mar sin, tha na Lib Deamaich gu math amharrasach mun tionndadh as ùire ann an sgeulachd nan Là barach air a' chùis.
Carson a tha iad ga chur air adhart cho anmoch anns an là agus an taghadh beagan mhìosan air falbh?
A rèir Chris Huhne, chan e ach tionndadh beachd air leabaidh a' bhà is a tha seo.
Cosgaisean
Thuirt Mgr Brown, ge-tà , gun robh sgainneal nan cosgaisean a' fà gail cliù Westminster feumach air togail.
Dh'fhà gadh siostam nan bhòt roghnach - no AV - gum biodh taic nas fharsainge aig buill-pà rlamaid, a-rèir a' phrìomhaire.
Fon t-siostam, dh'fheumadh tagraiche taic fhaighinn bho co-dhiù 50% den luchd-bhòtaidh mus deidheadh a thaghadh.
('S e ceist eile cho domhainn 's a bhiodh an taic seo agus cuid dhith a' tighinn bhon dà rna - no fiù 's treas - roghainnean.)
Chan e PR a tha ann ge-tà - aig an taghadh mu dheireadh fhuair na Là baraich 55% de na seataichean le dìreach 35% de na bhòtaichean.
Cha dèanadh AV cà il gus dèiligeadh ri sin.
Ù¾±²Ô±ð
'S dòcha gu bheil sin a' mìneachadh carson a tha grunn Là barach na aghaidh - agus carson nach eil ann ach darna roghainn airson nan Lib Deamach.
Tha sinn a' creidsinn gum faodadh 40 ball-là barach bhòtadh an aghaidh an riaghaltais.
Dh'feumadh an à ireamh sin èirigh gu 60 gus am bi aca ri taic a' lorg bho na pà rtaidhean eile.
Mar sin dheth, is coltach gun tèid e troimhe - aig an ìre-sa.
Ach fiù 's ma thèid, chan eil cus coltais gum bi ùine gu leòr ann airson a chur ann an lagh ron taghadh choitchean.
Ach tha sùil Ghòrdon Brown air an taghadh sin - agus na beagan là ithean as a dhèidh.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
