Gwaharddiadau tymhorol
Awgrymodd rhywun y dylem gyhoeddi rhestr o hen, hen, arferion Nadolig na fyddid wedi eu caniatáu dan reolau iechyd a diogelwch modern. Felly dyma nhw - ond mae'n siŵr bod rhai eraill. Anfonwch i ddweud.
- Cusanu dan yr uchelwydd - perygl o drosglwyddo ffliwiau, doluriau annwyd ac ati.
- Tynnu cracyrs - peryglon llosgi bysedd, niwedio'r clustiau, dychryn plant bach ac yn waeth byth, cathod a chŵn.
- Rhoi 'chwecheiniog' mewn pwdin Dolig - perygl tagu. Weithiau byddai'n ddeuydd dri cyn y byddai'r enillydd yn cael ei arian yn ei ddwylo beth bynnag ar ôl llyncu'r darn.
- Addurno gyda chelyn - rhy bigog a'r ffrwyth yn wenwynig.
- Addurno gydag eiddew - gwenwynig. Peryg syrthio wrth ei gasglu.
- Partis Dolig - perygl o feddwi, chwalu priodasau, meddwi, mwynhau eich hun, methu mynd adref, cael eich cloi mewn cwpwrdd. Mae unrhyw beth yn bosib.
- Coeden Nadolig - peryg o gwympo ar eich pen. Ei dail yn eich bwyd. Annog cŵn i godi'u coesau yn y tŷ.
- Canu Plygain - peryg mynd ar goll yn y tywyllwch. Llygredd sŵn.
- Hela'r Dryw - mynd yn sownd mewn drain.
- Santa Clôs - baglu yn y tywyllwch. Mynd yn sownd mewn simdde. Trawiad o orfwyta minspeis. Brathiad gan garw. Cic gan garw. Corniad gan garw. Mae'r dyn yn beryg bywyd.
- Canhwyllau - llosgi'r tÅ·.
- Llosgi'r pwdin - llosgi'ch aeliau. Llosgi'r tÅ· eto. [Ydi hynny'n bosib os ydych wedi'i losgi'n barod efo'r canhwyllau?]
- Cwrw, gwinoedd a gwirodydd - perygl dybryd ichi fwynhau eich hun a fyddai hynny ddim yn gwneud y tro o gwbwl.
