���˿���

Neges y gerdd (themâu)

Fe weli o’r eglurhad ar ôl teitl y gerdd ei bod yn seiliedig ar araith Pennaeth Seattle pan roedd y Llywodraethwr Isaac Stevens eisiau prynu tiroedd Indiaid America yn 1854. Mae’r gerdd yn amlygu sut mae dau berson yn gweld yr un peth mewn dwy ffordd gwbl wahanol. Y Pennaeth Seattle sy’n siarad yn y gerdd, yn cyfarch Isaac Stevens ac yn rhestru’r hyn sy’n wahanol yn y ffordd y mae ef a’i bobl yn edrych ar y tiroedd dan sylw, a’r ffordd y mae’r llywodraethwyr barus yn edrych arnynt. Mae un ohonynt, y Pennaeth Seattle, yn gweld gwlad hardd naturiol tra mae’r llall, y Llywodraethwr Stevens, yn gweld cyfle i wneud cynnydd ac arian ar draul etifeddiaeth naturiol Indiaid America.