���˿���

Mesur

Englynion milwr yw’r penillion hyn. Tair llinell sydd mewn englyn milwr a phob llinell yn saith sill o hyd. Gall y llinellau ddiweddu’n acennog neu’n ddiacen. Mae’n rhaid i’r tair llinell odli â’i gilydd.

Berfau cryno

gwelais

estynnais

ordrais

Mae amser gorffennol y ferf yn ein hatgoffa mai rhywbeth ddigwyddodd unwaith, dro byd yn ôl, oedd hyn.

Trosiad

cefnfor o stori

Mae dyfnder ei llygaid sydd yn ddiwaelod fel y môr yn cuddio hanes ei bywyd ac mae’r bardd yn dychmygu fod yna lawer o bethau i’w darganfod amdani.

Ailadrodd

yn fan hyn, aeafau’n ôl

Rhywbeth a ddigwyddodd yn y gorffennol yw hyn ond mae’r argraff a gafodd y ferch arno’n dal i aros yn ei gof.

yn ddifaddau o feddwol

Mae harddwch y ferch mor amlwg ac arbennig nes iddo fod, yn eironig iawn, yn rhwystr i’r bardd yn y pen draw am nad yw’n disgwyl i ferch mor hynod ei gymryd o ddifrif.