Cyfle comisiynu: Ar y Marc
9 Ionawr 2025
Rydym yn chwilio am ddarparwr i gynhyrchu rhaglen bêl-droed Ar y Marc ar foreau Sadwrn am 8.30am drwy’r flwyddyn. Bydd y rhaglen yn cael ei darlledu o ganolfan 成人快手 Radio Cymru ym Mangor, a bydd holl gostau’r rhaglen (cynhyrchu, ymchwil, cyflwynydd, panelwyr, gwesteion, sain/stiwdio) yn dod o’r pris isod.
Cyflwynydd: Dylan Jones
Hyd: 30 munud
Lleoliad: Bryn Meirion, Bangor
Pris: £55,000 - £60,000 y flwyddyn
Y rhaglen
Ers dros 30 mlynedd, mae rhaglen Ar y Marc wedi bod yn rhan annatod o arlwy Radio Cymru ar foreau Sadwrn. Gyda Dylan Jones yn cyflwyno ers y dechrau, mae’n raglen sy’n trafod pêl-droed gydag angerdd a hygrededd - ond yr hyn sy’n diffinio Ar y Marc yw’r hiwmor, yr hwyl a’r cyfeillgarwch. Mae hefyd felly yn raglen adloniant sy’n mynnu ei lle yn oriau brig y penwythnos – yn rhan o amserlen bore Sadwrn sy’n arwain at raglenni Tudur Owen, a Rhydian a Shelley.
Mae straeon Ar y Marc yn deillio o’r lleol, y cenedlaethol a’r rhyngwladol. Dyma raglen sy’n rhoi sylw i’r gemau lleol sydd mor bwysig i’n cymunedau, sy’n dathlu campau clybiau neu chwaraewr yn eu hardal, ac sy’n medru dod o hyd i straeon gwreiddiol sy’n adlewyrchu pob cwr o Gymru. Mae clywed gan gymeriadau lliwgar a difyr o bob oed ar hyd a lled y wlad yn elfen tu hwnt o bwysig.
Mae’n rhaglen sydd hefyd wrth gwrs yn rhoi sylw teilwng i’n cynghreiriau cenedlaethol a’u sêr, tra hefyd yn cydnabod y diddordeb brwd sydd yng Nghymru i bêl-droed Uwch-Gynghrair Lloegr ac yn rhyngwladol. Yn rhoi llais i gefnogwyr, mae Ar Y Marc hefyd yn ymfalchïo yn llwyddiannau’n timau cenedlaethol Cymru – a bydd Ewro 2025 yn dipyn o foment!
Mae strwythur clir i’r rhaglen, gyda Dylan wrth y llyw, a dau banelwr yn leisiau ychwanegol. Mae nifer a hyd y sgyrsiau yn amrywio wrth gwrs, ond disgwylir tua 3 sgwrs y rhaglen. Gall rhain fod yn sgyrsiau hefo un neu ddau gyfrannwr, neu’n becyn o leisiau ar bwnc neu thema. Mae amrywiaeth lleisiau yn hanfodol, ac mae Ar y Marc yn un o’r rhaglenni sy’n sicrhau fod lleisiau newydd yn cael eu clywed yn gyson.
Uchelgais
Wrth edrych tua’r dyfodol, hoffem glywed sut byddai’r darparwr yn sicrhau parhad i raglen sy’n llwyddo ar hyn o bryd, tra hefyd yn meithrin a dod o hyd i gyfranwyr newydd. Hoffem hefyd glywed am syniadau ar gyfer y cyfryngau cymdeithasol i godi cyrhaeddiad i'r rhaglen ar 成人快手 Sounds. Bydd angen sicrwydd gall y darparwr gyflenwi’r rhaglenni 52 wythnos y flwyddyn – drwy gyfnodau gwyliau, salwch ayyb.
Amserlen y rownd gomisiynu
Ionawr 9 – Agor y rownd gomisiynu
Ionawr 28 am hanner dydd – Cau y rownd
6,7,8 Chwefror – Cyfweliadau rhestr fer
Rydym yn dymuno fod cwmni yn gallu dechrau darlledu’r rhaglen erbyn diwedd mis Mawrth.
Mae croeso i gwmnïau gysylltu gyda ni am sgwrs cyn cynnig: syniadau@bbc.co.uk
Tîm comisiynu Radio Cymru
Dyma’r tîm sy’n gyfrifol am wneud penderfyniadau sy’n ymwneud â chomisiynu.
Mae croeso i gynhyrchwyr drafod yn anffurfiol gydag aelod o’r tîm comisiynu cyn mynd ati i gyflwyno cynnig yn llawn.
Dafydd Meredydd, Pennaeth Gwasanaethau Cymraeg 成人快手 Cymru
Dafydd sy’n arwain timau Radio Cymru a Cymru Fyw, ac yn cynrychioli’r gwasanaethau Cymraeg ar Fwrdd 成人快手 Cymru.
Yn ddarlledwr a chynhyrchydd profiadol, mae gan Dafydd brofiad helaeth o gyflwyno a chreu rhaglenni radio o bob math.
Gruffudd Pritchard, Golygydd Cynnwys
Mae gan Gruff drosolwg o gynnwys gwasanaethau Radio Cymru, Radio Cymru 2, adran gylchgrawn Cymru Fyw a chynnwys Cymraeg 成人快手 Sounds.
Gareth Iwan Jones, Uwch-gynhyrchydd
Mae Gareth yn gyfrifol am amrywiaeth o raglenni’r orsaf o ganolfan Bangor, ac mae ganddo arbenigedd mewn rhaglenni cerddoriaeth a llafar.
Sioned Lewis, Uwch-gynhyrchydd
Mae Sioned yn gyfrifol am amrywiaeth o raglenni’r orsaf o ganolfan Caerdydd, ac mae ganddi arbenigedd mewn rhaglenni llafar a dogfen.
Cerian Arianrhod, Rheolwr Darlledu
Yn gynhyrchydd profiadol, mae Cerian bellach yn arwain tîm darlledu Radio Cymru ac yn sicrhau bod ein rhaglenni yn cyrraedd y gynulleidfa ar y radio ac ar 成人快手 Sounds.
Catrin Huws, Rheolwr Cynhyrchu
Yn ogystal â rheoli elfennau ymarferol a chynyrchiadau Radio Cymru, mae Catrin yn rhan o dîm golygyddol a chomisiynu’r adran ac yn gweithio gyda chynhyrchwyr o’r sector annibynnol i gynnig arweiniad pendant ar raglenni.
