成人快手

In Norse mythology, the sun is called Sunna, daughter of Mundilfari, who rides the skies in a chariot pulled by horses and being chased by the wolf Skoll.
There y`go, I`m just a mine of useless bits o` information....:D
Anyways, I managed a peedie bit sitting ootside today, seeing as Sunna is riding the skies in fine form, even though the wind has a bite o` cauld in it. I tak` oot a couple o` cushions and deposit me backside doon in front o` the hoose, back against the stone o` it, and tak` in the view. Frae oor hoose, ye can see clear across tae Stronsay, across the Peedie Sea, doon past Kettletoft harbour wi` a few wee colourful fishing boats tied up, past Elsness beach wi` the bonny dunes on the way tae Quoyness Chambered Cairn, a finely excavated tomb wi` a wee crawlspace that ye need tae hunker doon on your hands and knees tae gaun through tae enter the chamber proper, wi` it`s beehive o` some half dozen peedier chambers.
It`s a fine view. And atween there and here, are me geese ducking through the fence intae the field next door, and me hens tak`ing dust baths in the vegetable garden, wi` a few nesting ducks in among the thickening dog roses, a` budding green and growing fatter wi` leaf.
And across the pond at the side o` the track, wild mallards are guddling and paddling, swans are gliding, and the gulls are being their usual predatory selves. The flag irises are greening up nicely and the whole thing has a pretty rural air aboot it o` the kind that mak`s fine paintings.
I`d earned me wee seat in the sun, ye see...this morning already, I got dinner ready tae be cooked, mince and tatties and vegetables, whizzed roond the hoosework fine style and then took meself off ootside tae the table I had the other half haul oot for me, tae sand and comb a sheepskin. I`m a lucky person, working frae hame, so that on fine bonny days I can work ootside in the sun. And in atween a` that I managed tae hang oot three loads o` washing so that by the time I tak it indoors tonight, it`ll smell all fresh and bonny frae the sea air, ready tae be hung frae the pulley above the stove and scent the room wi` ootdoors.
And noo the man is hame for his dinner and had it, so that in another peedie while I`ll can gaun back ootdoors and enjoy more of Sunna`s light on me face.
I`ll tak` some wool oot wi` me and the drop spindle, and spin and maybe work on a wee bit o` naalbinding, which is a Viking way o` kind of knitting and crocheting at the same time...sounds confusing but is awfu easy tae dae and mak`s for satisfying work. They used it tae mak` socks and caps and even gloves. I use a polished bone needle tae work it, which is also what they would hae used their own selves.
I hope other folks are having such a bonny day and that Sunna is riding your skies wherever ye are. :-)