成人快手

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 成人快手 Radyo Kernow.

[1/3]

Diskudhyansow 鈥渁 vri鈥�, mar goth avel an Oos Brons, re beu diskevrys gans hendhyskonydhyon yn tyller displegyans a jiow nowydh yn Tewynblustri.

Tri chi rond Oos Brons, kevres a dhrehevyansow Romanek ha priweyth a veu kevys gans Unses Hendhyskonieth Kernow y鈥檔 tyller yn arenebedh Tregemper.

Yth esa yn mysk drehevyansow an oos Romanek, chi hirgylghek, leurnedh processya bras, ha diw skiber alladow.

Konygyon a leveris y vos anusadow kavos keniver hen dhrehevyansow yn unn tyller.

Sean Taylor, pennhendhyskonydh Unses Hendhyskonieth Kernow, a leveris bos an kynsa tro drehevyans amethel hirbedrek dhyworth oos Romanek dhe vos diskudhys yn Kernow.

Mester Taylor a leveris, 鈥渒yn feu kevys nebes a鈥檔 drehevyansow Oos Brons ma yn tylleryow varys a-dro dhe鈥檔 gonteth dres a-dro dhe鈥檔 deg bledhen warn ugens eus passys - kynsa anedha Treth Heylyn yn Tewynblustri yn mil naw kans seyth ha peswar ugens [1987] 鈥� hwath anusadow yw kavos kemmys yn tyller byghan unnik.鈥�

鈥淭amm ha tamm y hevel an rann ma a Dewynblustri, a-hys Dowr Gwyles, dhe vos arenebedh posek ha poblys yn tew, y鈥檔 oos Neolithek ha wosa henna鈥� yn medh ev.

Ev a geworras bos heb mar an heyl kevren bosek dhe鈥檔 bys a-ves dres kynsistori.

Konseler Martyn Alvey, neb a syns portfolio an konsel rag kerghynnedh ha chanj hin, a leveris y hwaytir bos an taklow gwithys yn gwithti leel.

Yn medh ev, 鈥渁n drehevyansow ma yw pur bosek rag Kernow, ha marthus yw kavos golok a vewnans yn Tewynblustri nans yw kemmys bledhen,鈥�.

An tyller re beu lemmyn res dhe dhisplegyer Treveth, neb a dowl drehevel pymthek chi ha seyth ugens ena.

听

[2/3]

Bob Fitzsimmons, neb a veu genys yn Kernow, o onan a鈥檔 kynsa kampyoryon an bys boksusi a voos meur.

Genys yn Hellys yn mil eth kans tri ha tri ugens [1863], ev a vovyas gans y deylu dhe Vordir Nowydh, hag ena tremena y resegva boksusi dre vras y鈥檔 Statys Unys, may ferwis ev yn mil naw kans ha seytek [1917].

Ha lemmyn, y vedh ankevys yn Chicago re beu a-gynsow kevys ha nowedhys gans den, yn Hellys y wreydh teylu ev ynwedh.

Jim Wearne, neb a aswonnis istori Bob Fitzsimmons, a gavas an bedh yn Korflann Graceland yn Chicago. Ev a leveris y vos yn rann a鈥檔 gorflann 鈥渘ag o klassi na fanci鈥�, ha bos an bedh 鈥渘ammys, vandalisys, plos ha kudhlys gans strol鈥�.

An men kov, hanterkans centimeter y vraster, re sedhis yn-dann nivel an dor.

鈥淢y res eth dhe Hellys lieskweyth,鈥� a leveris Mester Wearne, 鈥渕y a welas an chi may feuva genys ynno, ha prederi 鈥渞es bos dhe nebonan gul neppyth a-dro dhodho鈥�.

Ev a dhiskudhas nag esa kerens didro Mester Fitzsimmons ow treusvewa, ytho y kewsis ev dhe鈥檔 gorflann a-dro dhe鈥檔 pyth a yllir gul.

I a leveris y hyllir drehevel an men hag y lanhe, hag a wrussons yn tevri, heb kost.

Ynwedh, Mester Wearne a dhallathas folen sevel arghans hag a sevis moy es mil dhollar (hen yw a-dro dhe eth kans peuns) rag an gwellheansow 鈥� y鈥檊a mysk, arwodh brons a vanyl y vewnans.

Mester Wearne a leveris bos lemmyn an bedh 鈥減ur deg鈥�.

Yn medh ev, 鈥測ma streyl a vleujyow ow tevi war an bedh, an men a hevel frysk 鈥� poran kepar ha bos gwrys de鈥�.

鈥淒ell waytyav, tus a wra dos ha鈥檡 weles, y gavas, ha gwerthveurhe nebes a-dro dhe鈥檔 huni neb usi ena,鈥� yn medh ev.

听

[3/3]

Ha wortiwedh hedhyw, Morgasor Riel, neb a bonyas Marathon Loundres ow tegi yeynell, re selyas kovadh an bys nowydh, herwydh an Lu Lestri Riel.

Corporal Sam Hammond, deg warn ugens y vloodh, a gowlwrug an hyns - hwegh mildir warn ugens poynt dew y hirder - gans an yeynell, henwys 鈥楩ridget Jones鈥�, war y geyn dy鈥橲ul eus passys, yn peswar our ha dewdhek mynysen ha dew ugens.

Corporal Hammond, neb yw dyskador arvow yn RNAS Kulros, a sevis moy es peswar mil seyth kans a beunsow rag an alusen luyow ervys, SSAFA.

An Lu Lestri Riel a leveris y hwaskas ev kovadh an bys kyns a seytek mynysen ha dew ugens. Y fydh lemmyn an assay kovadh gwirys gans Guinness World Records.

Yma an kovadh y鈥檔 klass 鈥渕arathon ow tegi jynn tre (gwara gwynn)鈥�

*

Yth esowgh hwi ow koslowes orth 鈥楢n Nowodhow鈥� war 成人快手 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Wella Morris. Bys dy鈥橲ul nessa, dohajydh da dhywgh hwi oll.