成人快手

Dohajydh da, ha dynnargh dhe dhyllans an seythen ma 鈥楢n Nowodhow鈥� war 成人快手 Radyo Kernow.
Delatyes re beu sewyansow a arhwithrans hag a wovynnas orth tus Kernow a鈥檊a breus a vargen nowydh a dhigresennans gans Mer etholys yn syth. Lonchyes veu an kussulyans poblek a dheg seythen mis Kevardhu 2022, ha, dell waytys, livrys via kres mis Meurth. Dell leveris Konsel Kernow, dyllys via lemmyn an sewyansow y鈥檔 seythen kyns kuntelles an kabinet an 5es a vis Ebrel. Yn-medh Konsel Kernow dre dherivas, 鈥渘yns yw gorfennys hwath an dielvennans anserghek a dhata an kussulyans poblek, awos an nivel mynsek a worthebow degemerys dres an kussulyans a dheg seythen.鈥� Graham Webster, dhyworth bagas kaskyrgh Ervires Kernow (Let Cornwall Decide), a leveris na veu an konsel kler prag y feu delatyes an sewyansow. Yn-medh ev, 鈥淥ttani, mis wosa an kussulyans dhe dhegea, ha ny wodhon ni hwath an sewyansow.鈥�
Avel rann ragdres Bargen an Dre Kammbronn, komendys re beu gans an governans peder towlen rag dasserghi kres hy thre. Y fydh komodytys kemeneth ha tylleryow glas, obervaow kevrennys nowydh, gwariva ha koffiji rag tus yowynk. Dres an peder towlen o seyth erel hag a veu deklaryes yn-dann arghas Bargen an Dre mis Gwynngala 2022, dell leveris Konsel Kernow. Ev a geworras aga bos ervirys dhe 鈥測nkressya bewekter an dre yn-dann solempnya hy ertach rych.鈥� Dell waytir, gorfennys vydh rann anedha an vledhen a dheu ha re erel kowlwrys erbynn mis Meurth 2026. Esel teythyek an Senedh, George Eustace, esel ynwedh kesva Bargen an Dre Kammbronn a leveris an 鈥渢owlennow yntanus dhe wul dyffrans mynsek dhe鈥檔 dre.鈥�
Jornalysi orth 成人快手 Radyo Kernow a astellas ober dy鈥橫ergher ha dy鈥橸ow, ryb kowethysi yn Pow Sows, rag protestya erbynn profyansow rag 成人快手 Radyo Teythyek. Dell brof an 成人快手, y nownsek gorsav teythyek warn ugens a synssa aga thowlennow myttin dy鈥檊weyth, mes ena kevrenna ugens towlen dohajydh dy鈥檊weyth, deg towlen wosa hwegh eur gorthugherweyth, ha towlen unnik 鈥淧ow Sows oll鈥� wosa deg eur. Nasyes via ynwedh eskorrans an bennseythen. Yn-medh Michelle Stanistreet, Skrifenyades Kemmyn Kesunyans Kenedhlek a Jornalysi, 鈥淎n 成人快手 a arghel palas yn-dann rann vewek a鈥檊an gonis darlesa poblek.鈥� Yn-medh leveryas an 成人快手, 鈥淣i a鈥檊an beus towlen dhe arnowydhhe gonisyow teythyek, ow kavos y鈥檊a mysk moy a jornalysi nowodhow, ha gonis warlinen teythyek kreffa.鈥�
Yma ORCA, alusen morviles ha pyffyers, ow pysi dhe dus yn Kernow gledh hwithra pyffyers boteldron owth ynterweytha gans morhogh porth unnik. An alusen a grys an morhogh dhe junya pod an pyffyers. Lucy Babey, penn godhonieth ha gwithans ORCA, a leveris y vos paryans pur dreweythus. Yn-medh hi, 鈥淗ag i ow kevrenna an keth vewva, an morhoghes a wohel an pyffyers, dell yw usys, hag ytho aga gweles ow kwari hag ow kortos war-barth dres termyn mar hir yw hwarvos fest treweythus.鈥� Gwelys re beu an bagas 鈥渙wth omlowenhe ow kwari lappyans鈥� ynter Tewynblustri ha Porthia. Anna Bunney, dhyworth ORCA, a leveris tus ow mires orta dhe allos dyffranshe an dhew vronnvil dre vraster aga gelvin. Yn-medh hi, 鈥淎n pyth a vynnowgh hwithra yw furv an enep ha furv an askel keyn. Yma dhe byffyers gelvin fest bras ha tew; henn yw aga ganow. Morhoghes porth, ny鈥檚 teves i an gelvin hir na; yma dhedha gelvin munys.鈥�
Yth esowgh hwi ow koslowes orth 鈥楢n Nowodhow鈥� war 成人快手 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.