成人快手

An Nowodhow, an 29ves a vis Genver 2023
Dohajydh da, ha dynnargh dhe dhyllans an seythen ma 鈥楢n Nowodhow鈥� war 成人快手 Radyo Kernow.Ledhys re beu burjysi vretennek, Chris Parry hag Andrew Bagshaw aga hanow, neb veu derivys kellys yn ranndir Donetsk a Ukrayn a鈥檔 est, dell leveris aga theylu. Gwelys veu an diwettha prys Mr Bagshaw, 47 bloodh y oos, ha Mr Parry, 28 bloodh, ow mos war-tu ha cita Soledar an 6ves a vis Genver. Teylu Mr Bagshaw a leveris bos an dhew owth assaya sawya benyn goth pan veu aga herri gwyskys gans tanbellenik. Yn-medh teylu Mr Parry, neb o y鈥檔 dalleth dhyworth Truru, 鈥淵 vynnas krev anomvodhek ow kweres an dus koth, yowynk hag yn-dann anles ena re鈥檊an gwrug fest gothus, ni ha鈥檡 deylu brassa. Bythkweth ny dhesevsyn ni dhe ri farwell dhe Chris, pan via dhodho bewnans mar leun a dheu. Mab prederus o, broder marthus, gwella koweth a geniver a dus, ha keskoweth kuv a Olga. An diwettha geryow filmyes a Vr Parry o 鈥淗edre vynno tus bos sawyes, parys vedhav mos.鈥漎nniys yw dhe dhos yn-rag tus yn Kernow ha Dewnens na鈥檚 teva hwath aga hynsa kenerthas Kovid 鈥� an tressa gwan rag an brassa rann a dus 鈥� kyns an dowlen dhe dhegea an 12ves a vis Hwevrer. Moy es hwetek milvil a dhognow re beu res y鈥檔 Soth-West a-dhia mis Kevardhu 2020, herwydh an NHS.Panel gober anserghek Konsel Kernow re gomendyas aga 87 konseler dhe gavos aga alowans sevys dhyworth 拢15,130 dhe 拢17,681 a-dhia vis Me 2023. Kildhydhyes via tamm moy es peder kansrann anodho dhe vis Ebrel 2022, gans peder kansrann moy rag an vledhen a dheu. Yn hwithrans avel rann an argerdh gober, an brassa rann a gonselers a leveris i dhe oberi yntra 35 ha 40 eur pub seythen y鈥檊a ober selyek rag an konsel. Prederys vydh an derivas gans an konsel leun pan vet ev dy鈥橫eurth ha konselers a wra ena votya a var degemerons an komendyansow.Sportva nowydh tewlys rag Klub Peldroos Truru yn Mentrimildir a allsa bos drehevys kyns dalleth seson pell-droos 2024 dhe 2025. Hemm yw wosa diskar an dowlen Sportva Kernow. Drehevys vydh gans gallos dhe vos ystynnys rag may kevrenno An Vorladron Gernewek an sportva yn halladow. Perghennys yw an dhew glub gans an keth kowethas dalghenna, mes konstrynys re beu Truru dhe wari yn sportva Park Bolitho Parkway Aberplymm a-dhia an hav a 2021 wosa ober dastisplegyans dhe dhalleth y鈥檊a sportva kyns yn Fordh Treyew. Drehevys vydh yn fordh may hyllo hi bos ystynnys mar kwaynnyo avonsyans po Truru po an Vorladron.Gorfennys yw kynsa tro prov plantya morwels yn dowlen yn heyl Dowr Fala. Bagas a vodhogyon re spenas moy es 120 a euryow ow kuntel ha plansa has. Yth yw an dowlen kynsa assay Trest Bewnans Gwyls Kernow (CWT) dhe dhaswul prasow morwels. Morwels a dhalghen karbon dhyworth an kerghynnedh bys 35 gweyth uskissa es koswigow glaw, mes y鈥檔 Ruvaneth Unys, kellys veu ogas ha 92% a vorwels y鈥檔 kansbledhen usi passyes. Mar sewen an dowlen, yma govenek dhe CWT may lettya an dowlen dhe dhaswrians ha plansa morwels yn efan yn heylyow Kernow.Yth esowgh hwi ow koslowes orth 鈥楢n Nowodhow鈥� war 成人快手 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.