成人快手

An Nowodhow, an 6ves a vis Du 2022
Dohajydh da, ha dynnargh dhe dhyllans an seythen ma 鈥楢n Nowodhow鈥� war 成人快手 Radyo Kernow.Dadhlys vydh profyansow rag ynkressyans a dhew poynt naw naw kansran a reknow toll gonsel yn Kernow yn kuntelles kabinet an 10ves a vis Du. Mars yns komendys gans an kabinet, danvenys vydh an towlow rag kussulyans poblek ha daswel, kyns mos dhe鈥檔 konsel leun. Konsel Kernow a leveris gorholeth ynkressyes rag gonisyow ha 鈥済waskow hwythansek鈥� dhe asa aswa towlargh a dhew ha tri-ugens a vilvilyow a beunsow y鈥檔 vledhen arghansek a dheu. Yn-medh Konseler David Harris, isledyer Konsel Kernow, 鈥淎n bojet ma a fogel orth surhe ni dhe spena an arghans a-barth an re na yw posekka dhe vrassa rann agan trigoryon, an gonisyow essensek ha laghel, y鈥檊a mysk gwith, anedhyans ha kuntel atal, yn dann dhasweles yn arvreusek an gonisyow mayth yw dewis dhyn provia, a-der edhom.鈥滽emerys re beu dowr dhyworth Porth Trefownans ogas dhe Vreanek dhe vos dielvennys wosa gwydhyow dhe dhiskwedhes rann an mor dhe dhos gell, ha bos fleryow karthyon derivys. Samplow re beu kemerys gans Dowr Soth West, hag a lever bos fenn tewedh 鈥渄allethys yn kott wosa kowas poos.鈥� Desinyes yw fennow tewedh dhe livra re a dhowr tewedh yn avonyow ha moryow pan hwer kowas hir y dermyn, may lettyo karthyon rag kildenna ha liva anedhow. Yn-medh gwithyas treth leel, Joel Henthorn y hanow, 鈥淟oos o an dowr, hag yth esa owth ewyni, ha flerya a garthyon.鈥� Yn-medh Dowr Soth West, 鈥淗emm o skollyans a dermyn berr, nag yw gwirhaval dhe gawsya myns a dhisliwyans gwelys y鈥檔 gwydhyow. Y鈥檔 tor鈥� ma, dell grysyn, yth esa elvennow erel a gevros dhe鈥檔 disliwyans, y鈥檊a mysk leys y鈥檔 dowr removyes gans an glaw poos, ow resek y鈥檔 rannvor dhyworth gover yn ogas, ha fenn dhyworth tir amethel.鈥滶vredhes yn Kernow a leveris hi dhe besya y鈥檔 keth dillas dres lies dydh drefen nag eus gwithysi gavadow lowr dh鈥檡 gwitha. Kovskrifys dall yw Sharon Johnson, unnek bloodh ha dew-ugens hy oos, dhyworth Truru, hag yma dhedhi arthritys mellow keyn, glin a dhiskevels, ha katheter. Hi a wortas yn klavji dew vis erbynn fardel gwith, hag a veu selyes dhe vos eth our warn ugens pub seythen. Ny yll hy frovier gwith visitya saw diwweyth orth an seythen, rag peswar our pub prys. Yn-medh hi dy鈥橫eurth, 鈥淢y re beu y鈥檔 dillas ma a-dhia dhy鈥橫ergher. Ny allav vy aga chanjya. My re omleskis ow pareusi ow bosow, hag omskaldya. Hwarthus yw yn tevri. Ny dylir an withysi lowr 鈥� henn yw an acheson nag eus mayni lowr.鈥� Konsel Kernow a dhiskleryas hwarvedhyans troboyntel a-barth gonisyow socyal mis Genver, hag a dhiwedhas mis Me. Yn-medh an konsel, 鈥淲ar on ni bos gorholeth ughel a with yn Kernow, hag awos chalenjys a listya moy a vayni, kales yw rag an brovioryon provia.鈥� Dell geworras, yn kasys a鈥檔 par na, ev 鈥渁 ober gans an dus unnik dhe hwithra dewisyow dyffrans dhe gavos fardel gwith a gollenow aga edhommow skaffa gallen.鈥滲agas kreft yn treveglos re grochetyas milyow a vylles yn trubyt dhe鈥檔 soudoryon ha mergh godhys a Gynsa Bresel an Bys. An Greftoryon Goon Garnan a dhallathas aga ober y鈥檔 displetyans nans yw pymp mis, hag yma nas kres dhodho margh a fram dur. Y hyllir gweles an margh y鈥檔 pennfordh dres an dreveglos ogas dhe Druru. Fastyes re beu ynwedh mylles orth keow, drehevyansow ha fosow y鈥檔 dreveglos.Yth esowgh hwi ow koslowes orth 鈥楢n Nowodhow鈥� war 成人快手 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.