成人快手

AN NOWODHOW
Sunday 25 September 2022

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 成人快手 Radyo Kernow.

*

Kreslu Dewnans ha Kernow re dhalghennas dew berson warn ugens dres Kernow, avel rann a oberyans dhe attamya gwrians droggys anlaghel.

An oberyans a lennis tri dydh ynter an dewdhegves ha鈥檔 pymthegves a vis Gwynngala.

Droggys dalghennys a gomprehendyas kanabys, kokayn krack, ha heroin, keffrys hag a-dro dhe hwegh mil beuns yn mona. Kollel ha treuswarak a veu kevys ha dalghennys ynwedh.

Pymp person re beu charjyes, seytek re beu livrys, hag ow pesya hwithrans.

Niver a gerri a veu hedhys ynwedh gans Para Kreslu an Fordhow, ha Para Askusyow Vyth, wortiwedh naw karr dalghennys.

Ben Deer, Avisyer Chif a leveris 鈥淜ler yw agan messach. Ny wren ni hedhi. Ni a wra helghya an re na neb a vynn gul an galweythow ma, ha ni a wra gwitha ha skoodhya an re woliadow y鈥檊an kemenethow.鈥�

Y keworras ev na godh dhe dhen vyth perthi gwrians droggys anlaghel, hag ynia tus dhe dherivas tra vyth gogrysus orth an kreslu.

Alison Hernandez, Kessedhiger Kreslu ha Drogober rag Dewnans, Kernow ha Syllan, a leveris bos an kreslu owth oberi dres an soth west, rag may fo herdhys droggys mes a drevow ha treveglosow.

Y leveris hi: 鈥淣yns yw da dhe dhen vyth gweles bargynnya droggys apert gesys dhe floryshya a-dherag agan lagasow.鈥�

Yth esa hwegh dalghennys yn Sen Austel dres an oberyans, eth yn Truru hag eth yn Pennsans.

*

Y hwovynnir orth tus rag kussulya fatel vo gwellhes kres an dre Sen Austel.

Yma Keskowethyans Nowydhheans an Dre Sen Austel owth hembronk an ragdres dhe fondya towlennow mar pe gwrys arghasans yn termyn a dheu.

Yma kevres a hwarvosow ostyes y鈥檔 dre dhe gevranna tybyansow.

An keskowethyans a leveris y feder gul an dre 鈥渕oy tennvosek, ha tyller heudhadow rag bos ha metya鈥�.

Y fynn selya 鈥渞ol hwans鈥� a ragdresow hag a allsa bos herdhys yn-rag pan vo arghasans kavadow, herwydh Gonis Derivas Gwerinieth Leel.

Tybyansow bys lemmyn a gomprehend gwellhe arwodhyow yn kres an dre, gwruthyl spasow glas, gul an dre moy hedhadow, ha gwellhe golowys ha daffar salowder.

An kowethas omvyskys, Mei Loci Landscape Architects, re oberas a-varra war ragdresow erel a-dro dhe Gernow, ow komprehendya rosva Pennsans.

*

Pennsodhek an Kreslu nowydh rag Dewnans ha Kernow re beu appoyntys.

Ervirans dhe appoynta Will Kerr OBE a veu gwrys yn kuntelles Panel Kreslu ha Drogober Dewnans ha Kernow yn Aberplymm.

Mester Kerr, neb yw is-Pennsodhek gans Kreslu Alban, a asle Shaun Sawyer, neb re omdennas.

Ev a leveris bos privilej gwir dhe hembronk lu gans ertach marthus ha stout鈥�

Y keworras ev y sordir marth ynno der an ober marthus hag a bes pub dydh, ha bos mall ganso metya an kemenethow divers trigys y鈥檔 rann marthus an pow ma.

Kyns junya Kreslu Alban, Mester Kerr a spenas moy es seyth bledhen warn ugens yn Servis Kreslu Ywerdhon Kledh, may synsas ev niver a sodhow gorhemmyn.

Ev yw an kynsa pennsodhek appoyntys gans Kessedhiger Kreslu ha Drogober Alison Hernandez.

*

Ha wortiwedh hedhyw, yth esa marth dhe veni eglos yn Kernow hag i ow pareusi gonis dhe verkya mernans an Vyghternes.

Meni dhe Eglos Sen Gwynnas ogas dhe Borth Kragen a erviras devnydhya aga Bibel Myghtern Jamys bras rag gonis gorthugher, pan godhas dhyworto folennik rag gonis dhe verkya mernas tas an Vyghternes - George an Hweghves.

Hembrenkyas an gonis, Nick Danks, a leveris nag esa den vyth a borthas kov a dro may feu devnydhys an bibel kyns, mes ena an folennik a godhas dhyworto.

鈥淵th o onan a鈥檔 polsow a vri na鈥�, y leveris ev.

Tal an folennik a leveris hy bos rag devnydhya yn eglosow Pow Sows oll war dydh an ynkleudhyans, hag o pymthegves a vis Hwevrer, mil naw kans dewdhek ha dew ugens.

Mester Danks a geworras nag eus hogen dhe dus gans kevrennow hir orth an eglos kov vyth an tro may feu an bibel bras devnydhys y鈥檔 diwettha tro.

Yth esa yn folennik, towlen gonis, gans patron pysadow ha redyansow hag yw an keth ha鈥檔 re profys rag servisyow dhe verkya mernans an Vyghternes.

*

Yth esowgh hwi ow koslowes orth 鈥楢n Nowodhow鈥� war 成人快手 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Wella Morris. Bys dy鈥橲ul nessa, dohajydh da dhywgh hwi oll.