成人快手

The Couper o' Cuddy came here awa,
He ca'd the girrs out o'er us a';
An' our gudewife has gotten a ca',
That's anger'd the silly gudeman O.

We'll hide the Couper behint the door,
Behint the door, behint the door;
We'll hide the Couper behint the door,
And cover him under a mawn O.

He sought them out, he sought them in,
Wi', deil hae her! and, deil hae him!
But the body he was sae doited and blin',
He wist na where he was gaun O.

We'll hide the Couper behint the door,
Behint the door, behint the door;
We'll hide the Couper behint the door,
And cover him under a mawn O.

They couper'd at e'en, they cooper'd at morn,
Till our gudeman has gotten the scorn;
On ilka brow she's planted a horn,
And swears that there they shall stan' O.

We'll hide the Cooper behint the door,
Behint the door, behint the door,
We'll hide the Cooper behint the door,
And cover him under a mawn, O.