³ÉÈË¿ìÊÖ

Leis a' naidheachd gu bheil CalMac a' toirt an MV Hebridean Isles a-mach à seirbheis aig deireadh na bliadhna, chuala sinn bho fheadhainn de luchd-obrach nam bàtaichean-aiseig mu na bataichean às fheàrr leothasan.

Thug Dòmhnall Ruadh Mac a' Ghobhainn a bheachd air leabhar ùr an sgrìobhaiche, Alistair Moffat, The Highlands and Islands of Scotland: A New History do Chathy.

Tha Kirstie Allsopp air a bhith a' tarraing còmhradh air na meadhanan sòisealta ‘s i ag innse mar a chaidh a mac 's a charaid air turas tron Roinn Eòrpa air trèana. Tha i fhèin ag ràdh gu bheil na gillean gu math comasach coimhead às an dèidh fhèin. Ach, leis gu robh iad còig bliadhna deug agus sia bliadhna deug a dh’aois agus iad a' siubhal nan aonar, ghabh na seirbheisean sòisealta gnothaich ri cùisean. Tha sin a' togail na ceist - cuin a tha òigridh aosta gu leòr a bhith a’ siubhal leotha fhèin?

Agus b' e Dòmhnall Iain Mac an t-Saoir à Uibhist a Deas cèiliche na seachdain - fear a bha na shaighdear, 's na phìobaire san arm, ann an iomadach dùthaich agus a chunnaic cogadh is cunnart annta.