³ÉÈË¿ìÊÖ

Bheir Innes MacCuithein dhuinn eachdraidh Eilean Thoraidh. Tha an t-eilean, a tha an iar-dheas air an Òban, faisg air Eilean Luing far a bheil innes fhèin a' fuireach, ga reic airson £1.5m.

Mìnichidh an t-eòlaiche-saidheans, Iain MacAonghais, dè a th’ ann an geo-einnseanaireachd agus cluinnidh sinn bhuaithe mar a tha cuid de eòlaichean gu math draghail mu dheidhinn.

Seo an t-àm dhen bhliadhna nuair a bhios a' mhòr-chuid a' dèanamh air dùthchannan-cèin airson seachdain no dhà 's iad a' strì le dè an t-aodach 's eile a bheir iad leotha, ach an dèan iad a' chùis le baga no a bheil feum air ceas, no fiù dhà. Gheibh sinn a-mach bho thriùir a bheil pacadh na dhùbhlan dhaibhsan.

Agus gheibh sinn eachdraidh beatha an sgrìobhaiche, Edna O'Brien, a chaochail Disathairne. Bha cliù mhòr aice ann an saoghal litreachais eadar-nàiseanta ach bha i a' faighinn a cronachadh ann an Èirinn. Bheir Brian Ò hUiginn dhuinn a h-eachdraidh-beatha agus innsidh Dòmhnall S Moireach mun liut a bh' aice air sgrìobhadh .