³ÉÈË¿ìÊÖ

Thairis air leth-cheud bliadhna, tha Dolina Ross air a bhith aithnichte mar fhìor-eòlaiche karate ann an Alba agus Breatainn. Agus tha i nise air Duais Sàr-Mhaitheas Breatannach ann an Karate a chosnadh. Ciamar a tha i a' faireachdainn mu dheidhinn?

Tha Seumas Mac an t-Sagairt a' toirt a bheachd fhèin air prògram aithriseach ùr mun a' lùth-chleasaiche Daley Thompson.

Agus 's i Norma Young à Stafainn san Eilean Sgitheanach a tha na cèiliche an t-seachdain sa. Bha Norma os cionn a' chiad sgoil ann an Roinn na Gàidhealtachd a chaidh ainmeachadh mar sgoil Ghàidhlig, ‘s an uair sin ann an diofar dhreuchdan aig àrd ìre co-cheangailte ri foghlam. Chan ann na tàmh a tha i air a bhith bho leig i seachad a dreuchd a bharrachd; tha i trang a’ ruith làrach campachaidh san Eilean Sgitheanach agus na Leas-mhorair-ionaid a’ Chrùin do sgìre Rois is Chrombaidh.