³ÉÈË¿ìÊÖ

Tha 200 bliadhna ga chomharrachadh bho thòisich a' chiad seirbheis smàlaidh an Alba. B' ann ann an Dùn Èideann a bha e agus tha taisbeanadh mu dheidhinn, Rising From The Ashes: 200 Years of the Scottish Fire Service ri ùr-fhaicinn sa bhaile. Chuir Cathy cuairt air, an cois Iain Eàirdsidh Mac a' Mhaoilein agus Iain MacChoinnich airson am beachdan fhaighinn air.

Chaidh dearbhadh le taigh-tasgaidh Prado sa Spàinn gur e dha-rìreabh obair Caravaggio a th’ anns an dealbh, Ecce Homo, a bhathas an dùil a chur gu rùp ann an 2021. Tha Iseabail Mhoireach a' toirt sùil air an sgeulachd air chùl cùisean.

Tha bùth bheag leabhraichean ann a Sussex a' fosgladh aig còig uairean sa mhadainn, a dh'aona ghnothaich do sgrìobhaichean, mar àite far am faigh iad fois agus sàmhchair gus smuaintean a chur an cèill. Tha sinn a' faighneachd do cheathrar sgrìobhaichean, ciamar a bhios iad fhèin a’ sgrìobhadh, càite, dè tha feumail agus dè nach eil!

Tha mìos a' Chèitein ga chomharrachadh mar Mhìos Nàiseanta na Coiseachd. Gach seachdain tron mhìos, tha sinn a' cluinntinn bho fheadhainn ann an diofar sgìrean, mu na cuairtean as fheàrr leotha fhèin 's a' faighneachd dè tha 'd a' faighinn às. An-diugh tha Cathy Fhriseal ag innse mu na cuairtean a bhios i fhèin a' gabhail.