³ÉÈË¿ìÊÖ

Mìnichidh an t-eòlaiche teicneòlais, Mìcheal MacAoidh, carson a tha riaghaltas Aimeirigeadh air cùis-lagha a thoirt a-mach an aghaidh a’ chompanaidh teicneòlais Apple.

A bheil ceòl dùthchail air fàs fasanta am measg ginealach nas òige? Gheibh sinn beachd bho thriùir a tha den bheachd gu bheil.

Bheir Iain MacAonghais dhuinn beachd air an rannsachadh a chaidh a dhèanamh air an ìre de thruailleachd a bhios a’ tighinn à teintean guail, mòine agus fiodh. A-reir rannsachadh a chaidh a dhèanamh anns a’ Ghearmailt, Slovenia agus Èirinn tha draghan gan togail air an droch bhuaidh a tha ceò nan tèintean a' toirt air slàinte dhaoine.

'S tha Aonghas Pàdraig Caimbeul air a bhith a' rùileach tro thasglann nam pàipearean-naidheachd, a' sireadh sgeulachdan inntinneach agus annasach a nochd annta air an t-seachdains' ann an eachdraidh. An-diugh - Poblachd na Grèige air a ghairm, triùir Albannach ag itealaich tarsainn an t-saoghail (son a' chiad uair), parsailean èiginneach bìdhe a' dol gu Leòdhas agus sanas airson adan!