³ÉÈË¿ìÊÖ

A' comharrachadh còig bliadhna bho dh'fhosgail a' V&A ann an Dùn Dè, gheibh sibh cothrom eile èisteachd ri còmhradh a chlàr Cathy còmhla ri Iain Moireasdan, Pàdraig MacAoidh agus Freya NicLeòid air an làraich an latha a chaidh an togalach fhosgladh.

Cluinnidh sinn mar a chaidh dha Sandra Mhoireach nuair a chaidh i air cùrsa còcaireachd ann an tè de na sgoiltean còcaireachd as ainmeile san t-saoghal, École Ritz Escoffier ann am Paris.

A rèir obair rannsachaidh, tha barrachd air a' chòigeamh cuid den aodach a th’ air a cheannach air-loidhne ann am Breatainn air a thilleadh air ais air sgàth 's meud an aodaich. Tha a' mhòr-chuid a' gearain nach eil meud no saidhs an aodaich a rèir na th' air a shannasachd. Gheibh sinn beachd bho fheadhainn a tha mìn-eòlach air aodach a chruthachadh agus a cheannach: a bheil iadsan air mothachadh gu bheil meud aodaich eadar-dhealaichte a rèir 's càìt an teid a cheannach?