³ÉÈË¿ìÊÖ

Tha Coinneach ann an Lunnainn a-rithist an-diugh, is e a’ gabhail cuairt deas air Abhainn Thames. Na chuideachd tha Mìcheal Hill agus Eilidh Cooper Oliver agus iadsan ga thoirt timcheall air cuid de na sgìrean eadar-dhealaichte.

A’ tòiseachadh aig Drochaid Vauxhall agus na seann liosan mun cuairt air sgìre Vauxhall fhèin, tha iad a’ faicinn cuid de na h-atharrachaidhean a thaobh togalaichean is sluagh. Cha bheag na cosgaisean a th’air taighean sam bith an seo, le prìs de chòrr air millean not airson taigh àbhaisteach.

Ann an Ceàrnag Bhonnington, tha Coinneach a’ cluinntinn mu dheidhinn na daoine a rinn strì airson taigheadas san sgìre bho chionn bhliadhnaichean agus mar a tha co-chomainn taigheadais fhathast an sin. Ann am Pàirce Vauxhall, tha lus na tùise a’ fàgail fàileadh gu math nas càileir sa bhaile na rathaidean trang le càraichean is busaichean.

Agus tha iad cuideachd a’ cluinntinn mu sgìrean far a bheil coimhearsnachdan eadar-nàiseanta – leithid Portugal Beag ann an Lambeth a Deas. bbc.co.uk/coinneach