成人快手

Ugain mlynedd yn 么l roedd arweinwyr y byd yn llongyfarch pobol Gogledd Iwerddon, a'u harweinwyr, am ddewis heddwch dros drais pan bleidleisiodd mwyafrif dros Gytundeb Dydd Gwener y Groglith.
Ond yn hytrach na dathlu digwyddiad hanesyddol 1998, mae Gogledd Iwerddon yn 么l yn y penawdau am y rhesymau anghywir.
Mae dyfodol y ffin rhwng y gogledd a gweddill ynys Iwerddon yn creu cur pen oherwydd Brexit. Dydi'r llywodraeth yn Stormont ddim wedi cyfarfod ers dros flwyddyn oherwydd anghydfod rhwng pleidiau Sinn Fein a'r DUP. Yn San Steffan, mae Theresa May wedi ffurfio llywodraeth leiafrifol gyda help y blaid unoliaethol, y DUP, a nifer yn darogan gwae am effaith hyn ar y broses heddwch.
Mae Manylu yn teithio i Ogledd Iwerddon i weld sut mae bywyd wedi newid ers 1998, ac i ofyn beth ddaw yn y dyfodol?
Mae'r rhaglen yn clywed hanesion pobol wnaeth fyw drwy'r cyfnodau gwaethaf a'r rhai sydd wedi dychwelyd oherwydd cytundeb 1998. Dywed rhai am eu pryder am effaith yr holl densiwn gwleidyddol diweddar ar y broses heddwch a'u bywydau bob dydd. Mae'r rhaglen hefyd yn clywed gan Gymry sy'n byw yng Ngogledd Iwerddon ac sy'n dweud nad oes cymhariaeth rhwng heddiw a dyddiau du'r gorffennol, ond bod ffordd bell iawn i fynd o hyd i gael gwir heddwch.