˿

Sean MacLeòid os cionn Alba aig Iomain Cholmcille

Sgioba na h-Alba an 2019Iomain Cholmcille

Sean MacLeòid mar leas-mhanaidsear air sgioba na h-Alba an 2019.

Chaidh Sean MacLeòid ainmeachadh mar mhanaidsear na h-Alba air thoiseach air Iomain Cholmcille aig an deireadh-sheachdain.

Bidh an fharpais iomain do Ghàidheil na h-Alba is na h-Èireann ann an Leòdhas airson a’ chiad uair riamh Disathairne.

Tha Mgr MacLeòid cuideachd air sguad na h-Alba ainmeachadh is iad gu bhith a' cluich an aghaidh Fir Uladh ann an Siabost aig 1:30f.

Tha e fhèin eòlach gu leòr air Iomain Cholmcille an dà chuid mar chluicheadair agus manaidsear, is e air cluich sa chiad fharpais a bh' ann ann an 2007.

"Tha ochd clubaichean bho lìogan eadar-dhealaichte air an riochdachadh bhon Phrìomh Lìog sìos", thuirt Sean.

"Tha tòrr a tha anns an sguad seo gu math eòlach air cruth gheamannan eadar-nàiseanta le grunn chluicheadaran air cluich do dh’Alba ron a seo.”

“Tha e cuideachd a’ sealltainn cho làidir is a tha Camanachd Leòdhais air a bhith a thaobh camanachd agus Gàidhlig le ochdnar chluicheadairean an sàs ann an sguad na bliadhna agus cothrom aca seo a thaisbeanadh aig ìre eadar-naiseanta aig an taigh ann an Siabost".

Tha sguad na h-Alba mar a leanas:

  • Paddy Mac na Ceàrdaich (Leòdhas)

  • Pòl Duke (Leòdhas)

  • Donnie MacRath (Leòdhas)

  • Ronan Mac na Ceàrdaich (Leòdhas)

  • Donny Moireach (Leòdhas)

  • Willie MacLeòid (Leòdhas)

  • Calum MacRisnidh (Leòdhas)

  • Sean MacLeod (Leòdhas)

  • Conal MacDiarmid (Glaschu Meadhan Earra-Ghàidheal)

  • Jamie MacLeòid (Glaschu Meadhan Earra-Ghàidheal)

  • Cailean MacLeòid (Glaschu Meadhan Earra-Ghàidheal)

  • Graham Black (Oilthigh Obar Dheathain)

  • Mark Friseal (An Gearasdan)

  • Ailig Dunnings (Celtic an Òbain)

  • Ross MacFhionghain (Camanachd an Eilein Sgitheanaich)

  • Iosaph MacAonghais (Camanachd Uibhist)

Gheibhear liosta de ghnothaichean eile a tha a' dol aig Iomain Cholmcille .