An ceann-cinnidh a chluich do Shasainn
- Air fhoillseachadh
Fhad 's a tha Alba is Sasainn a' coinneachadh airson 150 bliadhna a chomharrachadh bho thòisich iad ball-coise eadar-nà iseanta, tha beachd air nochdadh gum bu chòir barrachd aithne a thoirt do cheann-cinnidh Gà idhealach a chluich sa gheama seo san 19mh linn - do Shasainn.
B' e là brèagha geamhradail Gà idhealach a bh' ann sa Ghearran 1927 taobh Loch Dubhthaich - agus là sòlaimte. Bha 200 duine de Chlann MhicRath a' feitheamh nuair a rà inig ciste - a bha air tighinn tron oidhche air trèana à Lunnainn is an uairsin air rathad bho Inbhir Nis. Le pìobaire a' cluich Crò Chinn t-Sà ile, chaidh corp Stiùbhairt MhicRath Chonchra a thogail dhan chladh aig Clachan Dubhthaich. Bha dualchas Stiùbhairt, bhathas ag innse, a' dol air ais dhan fhear a thòisich Clann MhicRath, Fionnlagh Dubh MacGilleChrìosta. A-nise bha e fhèin air a dhol dhachaigh a Chinn t-Sà ile.
'S mòr am moladh a rinneadh air MacRath anns na pà ipearan-naidheachd: "He was an all-round sportsman in the very best acceptance of that phrase, urbane, self-reliant, without vain conceit, a true friend and ally. Mr MacRae was a Highland gentleman of the best type, and it will be a long time before we see his like again".
Agus 's e gun teagamh Gà idheal gu smior a bh' ann am MacRath - is Gà idheal le eachdraidh teaghlaich a bha connspaideach is a bheireadh buaidh mhòr air an t-slighe a ghabhadh e.
Rugadh a mhà thair, Grace Stiùbhart, anns na Hearadh. Nuair a chaochail ise chaidh a rà dh gun robh i am measg nam mnathan-uasal Gà idhealach mu dheireadh a bhruidhneadh a' Ghà idhlig is a chluicheadh ceòl na Gà idhealtachd. "She was the soul of Highland hospitality", dh'innis naidheachd a bà is.
'S e a dh'fhà g an teaghlach anns na Hearadh gun robh a h-athair Dòmhnall, a bhuineadh do Shiorrachd Pheairt bho thùs, na bhà ilidh, is na bhà ilidh le cliù am measg eileanach chan ann airson aoigheachd Ghà idhealach ach brùidealachd agus daoine fhuadachadh. B' e "droch là a bh' ann dha na Hearadh nuair a thà inig an Stiùbhartach", sgrìobh an t-eachdraiche Bill Lawson.
Air taobh athair Stiùbhairt, bha Clann MhicRath Chonchra uair air sabaid taobh nan Seumasach. Ach bho na 1770an, chaidh iad an sàs ann an obair na h-Ìmpireachd mar phà irt de rèiseamaid an Iarla Shìophart anns na h-Ìnnseachan.
"Stèidhich seo traidisean anns an teaghlach sin a bhith a' cur mic, co-oghaichean is eile ann an seirbheis airm anns na h-Ìnnseachan. Tha iad nam phà irt de phà tran far an robh uaislean a bha sa mheadhan ann an siostam nan cinnidhean, no fir-taca, a' cleachdadh na h-Ìmpireachd feuch inbhe is cliù a chumail an-à irde", tha an Dr Anndra MacFhilip bho Oilthigh Ghlaschu a' mìneachadh.
'S e pà tran a bh' ann a mhaireadh fad ghinealaichean is pà tran a dh'fhà g gun do rugadh Stiùbhart MacRath ann an 1855, chan ann air cladaichean Loch Dubhthaich, ach ann am Bengal.
Tha na cunntasan-sluaigh ag innse dhuinn gun robh a' Ghà idhlig fhathast san teaghlach ann an ginealach Stiùbhairt, fada bhon Ghà idhealtachd ged a bha iad.
"Tha teaghlach MhicRath nam pà irt de ghluasad le grà in-cinnidh aig a' chridhe a bha a' sìor leudachadh anns na h-Ìnnseachan sa chiad leth den 19mh linn. Feumaidh sinn a bhith soilleir mun sin. Tha sinn glè chleachdte ri bhith a' smaoineachadh air teaghlaichean Gà idhealach a bha a' fulang bho na fuadaichean, ach tha daoine mar seo nam pà irt de dh'urracha mòra na h-Ìmpireachd", tha an Dr MacFhilip ag rà dh.
Lean fear de bhrà ithrean Stiùbhairt an traidisean airm le urram a chosnadh ann an seirbheis an Fhreiceadain Duibh ann an Ceann a Tuath Afraga.
Ghabh Stiùbhart MacRath slighe eile. 'B ann air pà ircean spòrs seach raointean a' bhlà ir a bha esan ag amas is cha robh mòran nach cluicheadh e: rugbaidh, criogaid, goilf, teanas, scuais is eile - is ball-coise. Ach ged a thill an teaghlach a dh'Alba nuair a bha e òg, bha à ite-breith MhicRath is an ceangal teaghlaich ris an Ìmpireachd gus buaidh mhòr a thoirt air a bheatha spòrs.
Bha nà iseantachd laghail an fheadhainn a rugadh thall-thairis anns an Ìmpireachd a rèir dè an t-seirbheis a rinn iad. Ann am ball-coise bha e sìmplidh. Cha do rugadh MacRath ann an Alba is cha robh e a' fuireach san dùthaich. Ach bha slighe eile ann. Tha an t-eachdraiche ball-coise Iain Caimbeul Whittle air sgeulachd Stiùbhairt MhicRath a rannsachadh.
"Cha b' e riaghailt sgrìobhte a bh' ann ach seòrsa de riaghailt shòisealta gun robh duine sam bith a rugadh taobh a-muigh Bhreatainn is na h-Èireann - gur e mac no nighean na h-Ìmpireachd a bh' annta. Bha Sasainn aig meadhan na h-Ìmpireachd is sin e, 's e Sasannaich de-facto a bh' annta".
Dh'atharraich an riaghailt sin ann an 1887. Ach nuair a fhuair Stiùbhart MacRath cothrom air ball-coise eadar-nà iseanta ann an 1883 is e is air cliù a chosnadh aig Notts County, b' ann do Shasainn a chluich e.
Rinn na Sasannaich an gnothach air a' Chuimrigh 5-0 sa chiad gheama aige. "The high opinion formed of the Englishmen this season has thus been fully sustained", dh'aithris na pà ipearan. Bha iomradh sònraichte agus car à raid fo shealladh an là an-diugh air MacRath Choncra: "MacRae made some good throws-in".
Chum e à ite 'son an ath-gheama. Chluich e "splendidly" is Sasainn a' toirt droinneadh air Èirinn. Bha sùilean mhuinntir a' bhuill-choise a-nise air a' gheama mhòr: "The great match of the season, England v Scotland".
Rinn Alba an gnothach 3-2 le tadhal sa mhionaid mu dheireadh. Ma 's e is gun do rinn e dragh dha Stiùbhart MacRath a bhith a' cluich an aghaidh dùthaich a shinnsireachd, 's e nach do leig air: "The best half-back on the field was MacRae, whose play can only be described as magnificent".
"S dòcha mar dhuine uasal is le ceanglaichean là idir le Sasainn nach do smaoinich e cus mu dheidhinn", tha Iain Caimbeul Whittle ag rà dh. "'S e cluicheadair amateurach a bh' ann, chaidh iarraidh air cluich do Shasainn is cha robh e ceadaichte dha cluich do dh'Alba co-dhiù".
Bha MacRath a' cluich a-rithist nuair a shiubhail Sasainn gu tuath ann an 1884. Ged a bhuannaich Alba 1-0, dhèanadh Stiùbhart MacRath eachdraidh ball-coise ann an Glaschu nuair a chleachd na Sasannaich siostam a bha ùr ann am ball-coise eadar-nà iseanta.
"Cho-dhùin Sasainn an siostam aca atharrachadh gu 2-3-5 is chluich MacRath ann an meadhan an triùir. 'S e mar sin a' chiad duine a chluich centre-half ann am ball-coise eadar-nà iseanta", tha Iain a' mìneachadh.
Cha b' urrainn dha MacRath cluich san ath gheama is e air a ghoirteachadh. "Na à ite bha James Forrest, a' chiad chluicheadair a bha gu fosgailte proifeiseanta. Bha MacRath - Albannach a chluich do Shasainn - mar sin an dà chuid na dhrochaid eadar dà stoidhle de bhall-coise is eadar ball-coise amateurach is proifeiseanta", tha Iain ag rà dh.
Cha chluicheadh MacRath do Shasainn a-rithist. Bha e aithnichte às dèidh sin mar fhear-gnothaich aig deas is mar dhuine uasal. Bha e an sàs cuideachd ann an eas-aonta mu dè an loidhne de Chloinn MhicRath a bu chòir a bhith air aithneachadh mar cheann-cinnidh an teaghlaich gu lèir. Stèidhich e fhèin leac - sa Ghà idhlig agus sa Bheurla - ann an cladh Chlachan Dubhthaich a tha ag innse gur iad Clann MhicRath Chonchra a bha ceart.
Mun aon à m bha a bhrà thair, an Lt Colonel Iain MacRath-Gilstrap, air Caisteal Eilein Donain a cheannach. Bha ceangal air a bhith aig an teaghlach leis a' chaisteal fad linntean. Dhèanadh MacRath-Gilstrap ath-thogail air.
A-nise, le Alba is Sasainn a' comharrachadh 150 bliadhna bho cluich iad an toiseach, tha Iain Caimbeul Whittle ag rà dh gu bheil an t-à m ann ath-thogail a dhèanamh cuideachd air cliù is inbhe Stiùbhairt MhicRath fhèin, is aithne ceart a thoirt air a' cheann-chinnidh agus Gà idheal a rà inig à rd-ìre ann am bliadhnaichean trà th ball-coise eadar-nà iseanta - le geansaidh Shasainn air a dhruim.
Tuilleadh air an sgeulachd seo
- Air fhoillseachadh11 An t-Sultain 2023