³ÉÈË¿ìÊÖ

Mae cyflwynydd ³ÉÈË¿ìÊÖ Radio 1 wedi sôn am ei balchder o ddod ag acen gogledd Cymru i donfeddi radio Prydeinig.

Mae Sian Eleri, sy’n wreiddiol o Gaernarfon, wedi bod yn cyflwyno The Chillest Show ar ³ÉÈË¿ìÊÖ Radio 1 ers 2021 ar ôl cyfnod ar ³ÉÈË¿ìÊÖ Radio Cymru.

Yn ddiweddar cafodd ei dewis hefyd fel un o gyflwynwyr rhaglen newydd Y Llais ar S4C.

Dywedodd ei bod hi'n falch o gael ei dewis er mwyn codi proffil y Gymraeg fel iaith fyw.

"Dydan ni ddim yn clywed acen gogledd Cymru yn genedlaethol yn aml, a dwi’n teimlo'n falch iawn," meddai.

"Ond alla i ddim cymryd y clod am y ffordd dwi’n siarad.

"Mae'n ddifyr sut dwi'n cael pobl yn dweud 'pa acen ydy hwnna? O le ti'n dod?'

"A dwi'n licio'r syniad mod i’n gallu deud yn falch ‘wel, Cofi ydw i - dwi’n dod o Gaernarfon, a dyma sut ydan ni’n siarad'."

Bu'n siarad gyda chyflwynydd Radio Wales Lucy Owen wrth i’w chyfres newydd o Paranormal gael ei rhyddhau.

Mae un rhaglen yn adrodd stori enwog plant ysgol Sir Benfro yn gweld UFO yn 1977.

Dywedodd Sian Eleri ei bod hi'n falch bod S4C yn gwneud y Y Llais ar S4C, fersiwn Gymraeg o The Voice, sy'n boblogaidd mewn nifer o wledydd ar draws y byd.

"Mae o’n rhan o frand rhyngwladol - mae o bron yn torri unrhyw gamddealltwriaeth bod yr iaith Gymraeg yn marw," meddai.

"Yn aml ti’n cyfarfod pobl am y tro cyntaf ac maen nhw’n gofyn - yn ddigon diniwed dwi’n siŵr - os ydy’r iaith yn cael ei siarad o gwbl.

"Dydyn nhw ddim yn deall ei fod yn tyfu ac yn ffynnu, dwi’n ei ddefnyddio yn fy mywyd bob dydd ac i bobl o bob oed mae’n iaith gyntaf, ac i fy nheulu a fy ffrindiau hefyd."

Gallwch wrando ar gyfweliad Sian Eleri gyda Lucy Owen ar ³ÉÈË¿ìÊÖ Sounds ac mae Paranormal: The Village That Saw Aliens ar ³ÉÈË¿ìÊÖ iPlayer.