³ÉÈË¿ìÊÖ

Yn 1976, cyflwynwyd deddf oedd yn golygu bod yn rhaid bod yn o leiaf 16 mlwydd oed i brynu tân gwyllt.

Aeth rhaglen Heddiw i holi barn pobl Rhydaman am y gyfraith newydd honno ar y pryd.

Erbyn hyn, mae rheolau tân gwyllt yn llawer iawn llymach.

I ddechrau, mae'r isafswm oedran i brynu tân gwyllt wedi cynyddu i 18 mlwydd oed yn y DU.

Yn ogystal, mae cyfyngiadau ar yr amseroedd y mae modd tanio tân gwyllt hefyd.

Ni ddylai pobl danio tân gwyllt rhwng 23:00 a 07:00, gydag ambell eithriad sef Noson Tân Gwyllt, lle mae'r cyfyngiad yn cael ei ymestyn awr i 00:00.

Ceir eithiriadau eraill ar Nos Galan, Diwali a Blwyddyn Newydd Tsieiniaidd lle mae hawl gan unigolion i danio tân gwyllt tan 01:00.

Yn ôl y gyfraith, ni ddylech danio tân gwyllt ar y stryd na mewn mannau cyhoeddus ac mae hynny'n cynnwys tanio sbarclyrs.

Mae'n rhaid i siopau fod wedi cofrestru i werthu tân gwyllt a sbarclyrs at ddefnydd preifat.

Yn ogystal â hynny, dim ond rhwng dyddiadau penodol y mae ganddyn nhw hawl eu gwerthu nhw sef:

Er mwyn prynu tân gwyllt ar gyfer achlysuron eraill mae'n rhaid eu prynu gan siopau sydd â thrwydded arbennig i'w gwerthu.

Mae'r gosb am werthu tân gwyllt yn anghyfreithlon yn ddirwy ariannol amhennodol neu'n gyfnod o chwe mis yn y carchar.

Gallai torri'r cyfreithiau hyn hefyd olygu dirwy o £90 yn y fan a'r lle.