Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Carcharu dyn o Fangor am daro dyn arall gyda thennyn ci
Ffynhonnell y llun, Google
Mae dyn o Fangor wnaeth ymosod ar ddyn arall gyda thennyn ci wedi cael ei garcharu.
Fe wnaeth Benjamin Crofts, 27 oed o ardal Maesgeirchen y ddinas, ymddangos yn Llys y Goron Caernarfon ddydd Mercher ar 么l cyfaddef achosi niwed corfforol difrifol.
Clywodd y llys bod Crofts yn ffraeo gyda dyn arall ar Ffordd Caergybi, Bangor yn ystod oriau m芒n y bore ar 1 Mai.
Wrth i'r ffrae ddatblygu fe dynnodd y tennyn oddi ar goler ei gi, ei glymu o gwmpas ei law a'i ddefnyddio i daro'r dyn arall yn ei ben.
Fe ddisgynnodd y dyn arall i'r llawr gan daro ei ben. Daeth cadarnhad yn ddiweddarach ei fod wedi torri asgwrn yn ei ben a bod yna waedu ar yr ymennydd.
Cafodd Crofts ei ddedfrydu i flwyddyn ac 11 mis o dan glo.
