Gyrrwr wedi marw mewn gwrthdrawiad ar yr A470

Ffynhonnell y llun, Google

Disgrifiad o'r llun, Digwyddodd y gwrthdrawiad ar yr A470 rhwng Rhaeadr a Llangurig

Bu farw dyn mewn gwrthdrawiad ar yr A470 rhwng Rhaeadr a Llangurig ddydd Sul.

Mae Heddlu Dyfed-Powys yn ymchwilio i'r gwrthdrawiad rhwng Land Rover Defender a beic modur Ducati coch, tua 16:40.

Bu farw gyrrwr y beic modur yn y fan a'r lle, medd y llu.

Cafodd y ffordd ei chau wedi'r gwrthdrawiad a'i hailagor tua 02:30 fore Llun.

Mae'r llu yn gofyn i unrhyw un fu'n gyrru ar hyd y ffordd adeg y gwrthdrawiad i gysylltu 芒 nhw.