Mwy o wasanaethau tr锚n yng nghymoedd y de o ddydd Sul

Ffynhonnell y llun, Trafnidiaeth Cymru

Disgrifiad o'r llun, Y newid i amserlenni'r cymoedd fydd y trawsnewidiad mwyaf yn yr ardal ers 30 mlynedd

Mapiau lliwgar newydd o鈥檙 rheilffyrdd, yr opsiwn i deithwyr dalu gyda cherdyn digyffwrdd, a byrddau sydd 芒'r wybodaeth ddiweddaraf am y trenau nesaf.

Dyma bethau fyddai'n fwy arferol i bobl sy'n teithio mewn dinas fel Llundain, efallai, ond yng nghymoedd de Cymru mae hyn.

Bydd gwasanaethau ychwanegol, sy'n cael eu cyflwyno o ganlyniad i fuddsoddiad o 拢1bn, yn dechrau o'r penwythnos yma.

Mae Trafnidiaeth Cymru wedi galw ar bobl i wirio trefniadau cyn teithio gan ei bod hi'n bosib y bydd rhai amseroedd a llwybrau yn newid o ddydd Sul ymlaen.

Ffynhonnell y llun, Trafnidiaeth Cymru

Disgrifiad o'r llun, Map o'r Metro sy'n cael ei gyflwyno yn ne Cymru

Fel rhan o'r newidiadau mwyaf i amserlenni trenau'r ardal ers 30 mlynedd, bydd pob llwybr Trafnidiaeth Cymru o hen linellau鈥檙 cymoedd yn gweld dwywaith nifer y trenau - rhai newydd sbon hefyd - o fewn y ddwy flynedd nesaf.

Mae鈥檙 newidiadau diweddaraf yma hefyd yn cynnwys dau lwybr ychwanegol, sef gwasanaethau shuttle rhwng Caerdydd a Phontypridd a Caerffili.

Ond mae'r datblygiadau yn golygu bod rhai llwybrau i ac o Gaerdydd wedi newid, er mwyn gallu cwblhau gwaith fydd yn sicrhau bod modd i orsafoedd y brif ddinas ymdopi pan fydd nifer y gwasanaethau'n cynyddu ymhen 18 mis.

O ganlyniad i hyn bydd angen i rai teithwyr newid trenau mewn gorsafoedd penodol er mwyn cyrraedd pen eu taith yn fwy cyflym - yn debyg i'r hyn fyddai rhywun yn ei wneud ar wasanaeth Underground Llundain.

Ffynhonnell y llun, Trafnidiaeth Cymru

Disgrifiad o'r llun, Mae'r gost o adeiladu rhwydwaith rheilffyrdd Metro De Cymru wedi codi i 拢1bn

Y gobaith yw, unwaith y bydd yr holl waith adeiladu wedi ei gwblhau, y bydd gan bobl y cymoedd ddewis o bedwar tr锚n i Gaerdydd bob awr.

Bydd y gwaith o drydaneiddio'r llwybrau yn cael ei orffen eleni, tra bod bron i 40 o orsafoedd wedi eu huwchraddio a 36 o drenau newydd wedi cyrraedd ac yn barod i'w cyflwyno i'r rhwydwaith.

Mae trenau newydd eisoes yn cael eu defnyddio ar rai o lwybrau'r cymoedd, gyda mwy i gael eu hychwanegu ar gyfer yr Eisteddfod Genedlaethol ym mis Awst, a fydd yn denu rhyw 150,000 o ymwelwyr i Bontypridd.

Ond dyw hi ddim yn bosib dyblu nifer y gwasanaethau tan fod systemau arwyddo a thraciau wedi eu huwchraddio yng ngorsaf Heol y Frenhines Caerdydd.

Unwaith y bydd y gwaith yna wedi cael ei gwblhau, bydd tr锚n yn gallu teithio drwy'r orsaf bron bob munud.