³ÉÈË¿ìÊÖ

Ni fydd yr heddlu yn cymryd camau pellach yn erbyn bachgen 15 oed a gafodd ei arestio ar amheuaeth o wneud bygythiadau oedd yn cyfeirio at ddigwyddiad treisgar mewn ysgol.

Cafodd y bachgen ei arestio yn ardal Cross Hands yn Sir Gaerfyrddin ar 25 Ebrill, yn dilyn adroddiadau bod negeseuon bygythiol yn cael eu rhannu ar y cyfryngau cymdeithasol.

Yn gynharach yr wythnos honno, cafodd dwy athrawes a disgybl eu hanafu mewn digwyddiad yn Ysgol Dyffryn Aman, Rhydaman.

Bydd merch 14 oed yn ymddangos yn Llys y Goron Abertawe wythnos nesaf ar gyhuddiad o geisio llofruddio tri pherson.

Yn y cyfamser, mae Heddlu Dyfed-Powys wedi cadarnhau na fyddan nhw'n cymryd camau pellach yn erbyn y bachgen 15 oed yn dilyn eu hymchwiliad.