Hufenfa Mona ym M么n yn mynd i ddwylo'r gweinyddwyr

Ffynhonnell y llun, Google

Disgrifiad o'r llun, Mae'r hufenfa wedi bod yn creu cynnyrch yn defnyddio llaeth o tua 30 o ffermydd lleol

Mae hufenfa adnabyddus ym M么n wedi cyhoeddi eu bod wedi mynd i ddwylo'r gweinyddwyr.

Fis Mai, fe wnaeth Hufenfa Mona gyhoeddi eu bod yn wynebu trafferthion ariannol ac nad oedd modd i'r cwmni barhau i weithredu yn ei ffurf bresennol

Fe agorodd y ffatri gaws gwerth 拢20m - sy'n cynhyrchu amrywiaeth o gawsiau Cymreig a chyfandirol - ar safle Parc Diwydiannol Mona ger Gwalchmai dwy flynedd yn 么l.

Mewn datganiad ar eu gwefan, dywedodd Hufenfa Mona fod Anthony Collier a Phil Reynolds wedi eu penodi yn weinyddwyr a'u bod yn gyfrifol am reoli materion yn ymwneud 芒'r cwmni.

Cafodd y gweinyddwyr eu penodi ar 7 Mehefin, ac maen nhw'n dweud eu bod yn ystyried sawl opsiwn ar gyfer dyfodol y busnes a'u bod yn bwriadu cysylltu gyda chredydwyr.

Wedi'r cyhoeddiad ym mis Mai fe ddywedodd rheolwr-gyfarwyddwr Hufenfa Mona, Ronald Akkerman, eu bod "wedi gwneud ein gorau i ddatblygu'r ffatri brosesu caws orau a'r fwyaf modern a chynaliadwy i'n ffermwyr ac i Gymru, ac mae hi'n ofnadwy nad ydyn ni wedi llwyddo i wneud hynny.

"Roeddwn ni mor agos, ond dyw agos ddim wedi bod yn ddigon," meddai.