Aberfan: Cyhuddo dyn o geisio llofruddio menyw feichiog
- Cyhoeddwyd
Daniel Mihai Popescu yn cyrraedd Llys Ynadon Merthyr
Mae dyn 28 oed wedi bod o flaen Llys Ynadon Merthyr Tudful wedi'i gyhuddo o geisio llofruddio ar 么l i fenyw feichiog, 29, gael ei thrywanu yn Aberfan.
Cafodd Daniel Mihai Popescu, 28, ei arestio wedi i Andreea Pintili ddioddef ymosodiad ar Ffordd Coronation yn Aberfan ddydd Mawrth.
Aed 芒 hi i'r ysbyty ond mae hi bellach wedi gadael.
Yn ystod y gwrandawiad byr fe wnaeth Daniel Popescu ond cadarnhau ei enw a'i ddyddiad geni a dywedodd nad oedd ganddo gartref parhaol.
Mae Daniel Popescu wedi'i gyhuddo hefyd o stelcian a chodi ofn ar dyst.
Dywedodd llygad dystion i'r digwyddiad bod Andreea Pintili yn feichiog
Clywodd y llys ei fod yn y cyfnod rhwng 25 Hydref 2023 a 6 Rhagfyr 2023 "wedi dilyn Ms Pintili, wedi ceisio ei ffonio o lefydd na sy'n dangos y rhif ff么n, wedi gwneud ffilm fideo ohoni a'i roi ar gyfrif Tik Tok ac wedi eistedd y tu allan i'w chyfeiriad".
Dywedodd y Barnwr Neale Thomas fod y cyhuddiad o geisio llofruddio mor ddifrifol fel mai dim ond yn Llys y Goron y gellir delio ag ef, a'i fod yn "gwneud synnwyr" i'r ddau gyhuddiad arall gael eu clywed ar yr un pryd.
Cafodd yr achos ei ohirio tan 4 Ionawr lle bydd gwrandawiad yn Llys y Goron Merthyr Tudful.
Mae Mr Popescu wedi'i gadw yn y ddalfa tan hynny.