³ÉÈË¿ìÊÖ

Wyt ti'n dysgu Cymraeg ond heb gyfle i ymarfer dros y gwyliau?

Mae Marian Brosschot yn diwtor Cymraeg ac yn byw ym Mhen LlÅ·n. Dyma syniadau gan Marian am sut i ddefnyddio'r Gymraeg dros y gwyliau.

Mae'r haf yn hir, ac yn braf gobeithio! Mae 'na gyfle i fynd i'r traeth, mynd i fynydda, ymweld â ffrindiau a gweld Taid a Nain, a chael hoe o'r ysgol.

Mae'r gwersi Cymraeg wedi gorffen ers tro, ac mae'n bwysig cau y ffeil am dipyn bach.

Ond sut mae ymarfer eich Cymraeg dros y gwyliau?

Sut mae cadw'r Gymraeg yn fyw yn eich tÅ· chi dros yr haf? Sut mae cadw'r plant i ddysgu Cymraeg dros yr haf heb ysgol?

Dyma ychydig o syniadau i ddefnyddio'r Gymraeg dros y gwyliau.

Mae'n bwysig rhoi amser cyson i'r iaith yn eich bywyd o ddydd i ddydd. Does dim rhaid i hyn fod yn llawer o gwbl.

Mae bywydau pawb yn brysur iawn felly efallai mai dim ond ychydig bach o amser gallwch chi ei roi, mae hyn yn iawn.

Yr hyn sy'n bwysig ydy eich bod chi'n rhoi amser i gynnwys y Gymraeg yn eich bywyd bob dydd a'i fod yn cael lle i fyw, i dyfu ac i ddatblygu.

Gofynnwch i chi eich hun faint o sylw ydw i wedi ei roi i'r Gymraeg heddiw?

Mae gan S4C lawer o raglenni difyr i'w dilyn ar y teledu a hefyd ar . Mae opsiwn cael is-deitlau hefyd.

Beth am chwilio am raglen ddiddorol ar ddiwrnod glawog ym mis Awst?

Cofiwch does dim rhaid i chi ddeall popeth, mae'n bwysig eich bod chi'n clywed yr iaith cymaint â phosibl. Mae llawer o raglenni plant doniol hefyd. Chwiliwch am Cyw i'r plant lleiaf neu beth am edrych ar Hansh neu Stwnsh ar YouTube efo'r plant hŷn.

Mae gwrando ar y Gymraeg bob dydd yn mynd i fod o fudd mawr i chi. Beth am wrando ar y radio neu ar bodlediadau Cymraeg?

Gallwch wrando yn y car ar y ffordd i'r gwaith, yn y tŷ wrth goginio, efallai efo'ch plant tra'n chwarae gêm.

Does dim rhaid i chi ddeall popeth sy'n cael ei ddweud o gwbl, y peth pwysig ydy trochi'r synhwyrau.

Os 'dach chi'n dechrau adnabod geiriau neu'n sylwi ar ymadroddion neu ebychiadau yn cael eu hailadrodd - gwych!

Mae clywed yr iaith mewn gwahanol gyd-destunau yn mynd i helpu eich sgiliau gwrando a bydd yn cael dylanwad bositif ar eich ynganu hefyd.

Un o'r pethau pwysicaf un pan 'dach chi'n dysgu'r iaith ydy gwneud cyswllt efo pobl Gymraeg leol. Mae hyn yn hanfodol i ddatblygu eich sgiliau iaith ond hefyd i wneud ffrindiau yn yr iaith newydd.

Oes pobl Gymraeg yn byw yn eich ardal chi? Ewch i chwilio amdanyn nhw!

Gallwch chi ymuno efo gweithgareddau lleol, clybiau ieuenctid i'r plant, cyfarfodydd, digwyddiadau a dathliadau lleol. Holwch bobl yn y pentref neu edrychwch ar y cyfryngau cymdeithasol.

Prynwch y papur bro Cymraeg lleol. Bydd rhywbeth i bawb a byddwch yn sicr o gyfarfod pobl newydd i siarad Cymraeg efo nhw. Gynta'n byd byddwch yn gwneud cysylltiadau, gorau'n byd i chi.

Os 'dach chi'n awyddus i ddysgu mwy o Gymraeg dros yr haf does dim byd yn bod ar droi at eich ffeil ac adolygu.

Mae llawer o ffyrdd eraill i fynd ati i astudio hefyd. Beth am gymryd gwersi 1-1 efo tiwtor ar-lein? Neu edrych ar gyrsiau haf, apiau ffôn fel Duolingo neu ddewis llyfr Cymraeg i'w ddarllen?

Wyth o lyfrau i'w darllen dros yr haf

Mae darllen yn ffordd wych o'ch gwthio chi i ddysgu cystrawen brawddegau mwy cymhleth a hefyd mae'n rhoi rhywbeth i chi siarad amdano gyda phobl iaith gyntaf! Does dim rhaid i chi fod yn rhugl o gwbl i ddarllen llyfr.

Gyda geiriadur, pensil, a tipyn bach o amynedd ewch chi'n bell iawn!

Eich agwedd chi tuag at ddysgu sy'n mynd i fynd â chi yn bell wrth ddysgu iaith.

Mae medru chwerthin ar eich pen eich hun a bod yn ocê efo teimlo embaras yn bethau hanfodol pan 'dach chi'n dysgu unrhyw iaith! Mae'r haf yn gyfle gwych i ymarfer eich Cymraeg mewn siopau a chaffis o gwmpas y wlad.

Cofiwch does dim rhaid i chi ddweud llawer! Beth am ddweud 'bore da' neu ofyn am hufen iâ yn Gymraeg? Byddwch chi'n teimlo'n fwy a mwy hyderus wrth i'r wythnosau fynd ymlaen.

Rhowch her i chi eich hun i ddechrau pob sgwrs yn y Gymraeg neu ddechrau o leiaf un sgwrs yn y Gymraeg bob dydd.

Bydd yn heriol ac yn gyffrous a dw i'n siŵr byddwch chi'n teimlo'n nerfus - ond bydd yn wych. Ewch amdani!

Hefyd o ddiddordeb