³ÉÈË¿ìÊÖ

Y cyflwynydd Llinos Lee sy'n Ateb y Galw yr wythnos yma wedi iddi gael ei henwebu gan Angharad Mair.

Dwi'n cofio cael Tŷ Bach Twt gan Siôn Corn pan o'n i tua tair oed. Roedd Nain a Taid lawr yn aros gyda ni dros y Nadolig a nes i orfodi Taid i eistedd yn y tŷ gyda fi am oriau a bwyta ei ginio Nadolig ar fwrdd plastig Victoria Plum. Druan a fe!

Matt Goss o Bros a phob aelod o New Kids on the Block! Merch yr 80au go iawn!

Tra'n ymarfer rhaglen o 'Uned 5' nes i anghofio fy mod i'n gwisgo meicroffon personol a bod pawb yn gallu clywed pob dim o'n i'n ddweud a gwneud - nes i ddim rhybuddio y dyn sain cyn mynd i'r tÅ· bach!!! Does dim angen i mi ddweud mwy!

Penwythnos diwethaf. Roedd Mam a Dad yn dathlu eu priodas Ruddem ac fe wnes i a fy mrawd greu fideo o hen luniau y teulu dros y blynyddoedd i nodi'r achlysur arbennig yma. Roedd pawb yn crio.

Sawl un dwi'n siŵr ond y gwaethaf yw siopa! Dwi wrth fy modd yn prynu dillad, 'sgidiau, bagiau, unrhywbeth i ddweud y gwir. Rhaid i mi gael gwisg newydd ar gyfer bob achlysur - unrhyw esgus i fynd i siopa.

Fy nhre' enedigol Y Barri. Dwi'n hoffi bod yn agos at y môr ac mae'n lle sy'n llawn atgofion hapus iawn o fy mhlentyndod.

Roedd noson fy mhriodas yn arbennig ac yn aros yn y cof ond hefyd y noson gafodd Guto Prys, fy mab, ei eni. Swreal ond anhygoel ar yr un pryd.

Hapus, ffyddlon, sensitif.

Dwi wrth fy modd gyda llyfrau Jodi Picoult a Cecelia Ahern. Yr un 'nath 'neud i fi grio yn gyhoeddus tra ar fy ngwyliau oedd 'P.S. I Love You'. Dyw'r ffilm ddim cystal.

Ydy bagiau yn cyfri? Os felly, fy handbag enfawr Michael Kors. Fel Mam, dwi'n gwneud yn siŵr bod gen i ddigon o bethe i ddiddanu Guto ac os dwi allan yn ffilmio eitemau 'Heno' mae 'na wastad losin neu ryw fath o snac i'r criw i'w cadw nhw'n hapus!

'The Revenant'. Mae Leonardo DiCaprio yn anhygoel yn y ffilm yma. Llawn haeddu ei Oscar.

Nes i holi fy ngŵr am ateb i'r cwestiwn yma a wedodd e 'Carrie Bradshaw - mae'r ffilm allan yn barod!'

Mae gen i gasgliad enfawr o CDs sioeau cerdd, mae'n anodd dewis un, ond yr un dwi'n chwarae mwya ydy 'West Side Story'.

Prif gwrs - dwi wastad yn mynd am bysgodyn.

Dwi ddim yn meddwl fyswn i eisiau bod yn rhywun arall, mae gen i ŵr a mab anhygoel, job dwi'n garu, ond os fyse rhaid dewis yna Kate Middleton er mwyn cael rhywun i olchi dillad, glanhau a newid napis drosta'i. Bydde'r ffrogiau a'r dillad smart yn fonws hefyd!

Owain Gwynedd