成人快手

Y dyfalu yw, ai Rhiannon fydd yn ennill coron yr Urdd yng Nghaerfyrddin heddiw.

Unrhyw 'Rhiannon' - gan fod i'r enw hwnnw gysylltiad rhyfedd 芒 choron Eisteddfod Genedlaethol yr Urdd.

Datgelwyd y cysylltiad gan Geraint Roberts, prifathro Ysgol y Strade, Llanelli, sydd wedi bod yn arddangos ar safle'r ysgol ar y maes y goron gyntaf erioed i'w hennill yn Eisteddfod Genedlaethol yr Urdd n么l yn 1931.

Hanes diddorol
"Mae hanes y goron yn ddiddorol," meddai Mr Roberts. "Fe'i prynwyd gan Mallt Anderson o Gaerdydd mewn siop ail-law a hen bethau yn Abertawe yn 2002 ac o ymchwilio i'w hanes fe wnaeth hi ddarganfod iddi gael ei hennill gan Rhiannon Collins o'r Tymbl a oedd yn ddisgybl yn Ysgol Ramadeg y Merched, Llanelli ar y pryd," meddai.

"Yr oedd Mallt yn awyddus i ddychwelyd y goron fach i ysgol yn Llanelli a chan nad yw'r Ysgol Ramadeg yn bodoli bellach, cynigiodd hi i'r unig ysgol uwchradd Gymraeg yn y dref, Ysgol y Strade," ychwanegodd.

Yr oedd hynny fis Hydref 2002.

Mor falch
"Yr oedd yr ysgol mor falch o'r rhodd arbennig hon gofynnwyd i Mari Thomas, y gemydd o Lanelli, i lunio coron arian maint llawn yr un patrwm 芒 choron fechan 1931 i'w defnyddio yn eisteddfodau'r ysgol.

"Ac o ganlyniad i waith Mari gyda'r goron hon y'i gwahoddwyd i lunio coron Eisteddfod Genedlaethol Abertawe 2006," meddai Mr Roberts.

. Ychwanegodd mai enillydd coron Ysgol y Strade 2007 oedd Rhiannon Roberts.

"Rhiannon arall!" meddai "Yr un enw ag enillydd coron 1931."

"Hefyd, Rhiannon Roberts fydd yn cyfarch enillydd Coron yr Urdd yn y pafiliwn brynhawn Gwener," meddai gan ychwanegu, "Tybed ai Rhiannon fydd enw'r enillydd hefyd?"

Dywedodd hefyd mai testun y gystadleuaeth eleni yw, Dod yn 么l.

"Sy'n addas iawn gan fod coron fechan 1931 yma ar y maes.

Ychwanegodd i'r Rhiannon wreiddiol yn yr hanes, Rhiannon Williams wedi iddi briodi, farw yn 93 oed yn gynharach eleni yn Aberystwyth.