Arweinydd y Cymry tramor
Cwmpasu Sir Benfro, India a Chanada
Bydd arweinydd y Cymry tramor ar lwyfan y Brifwyl mewn seremoni fer cyn urddo enillydd y Fedal Ryddiaith bnawn heddiw.
Brodor o'r Groesgoch, Sir Benfro, ond yn awr yn byw yn Toronto, Canada, yw Myfanwy Bajaj a hi a ddewiswyd i gynrychioli'r ymwelwyr o dramor yn yr Eisteddfod gydol yr wythnos.
Fe'i haddysgwyd yn Ysgol Gynradd Castell Haidd ac Ysgol Uwchradd Tasker, Hwlffordd.
Bu wedyn yn fyfyrwraig yng ngholeg hyfforddi athrawon Wrecsam.
Yr oedd yn aelod blaenllaw o'r Urdd ac wedi cystadlu llawer mewn eisteddfodau.
Wedi cyfnod yn dysgu yn Smethwick, Swydd Stafford, symudodd i ddysgu yn Panipat yn y Punjab, India, ac oddi yno y symudodd i Toronto yn 1967.
Un o'r pethau cyntaf a wnaeth ar 么l cyrraedd oedd sefydlu cangen o'r Urdd ar gyfer plant capel Cymraeg Dewi Sant lle'r oedd yn ddiacon.
Bu hefyd yn gadeirydd Cymdeithas Dewi Sant Toronto ac o 糯yl garafannau aml hiliol Toronto gan wahodd Cymry i berfformio yno.
Am 30 mlynedd bu'n aelod o Bwyllgor Cymanfa Ganu Ontario ac yn ysgrifennydd G诺yl Gymreig Gogledd America.
Am ei gweithgarwch Cymreig dramor fe'i hurddwyd a'r Wisg Werdd gan yr Orsedd yn eisteddfod Llanelli 2000.
