成人快手

Bydd yn rhaid disgwyl rhai blynyddoedd cyn y byddwn yn gwybod yn iawn ai proffwyd ynteu dyn a aeth dros ben llestri yw Emyr Lewis.

Disgrifiodd yn ei feirniadaeth y pnawn yma y bardd cadeiriol fel "Dafydd ap Gwilym wedi atgyfodi yng Nghymru 2011".

Mae'r bardd ei hun, Rhys Iorwerth, er mor ifanc ydi o, i'w edmygu am fod ddigon call i ymwrthod 芒'r disgrifiad.

"Fydda i ddim yn mynd o gwmpas yn galw fy hun yn Ail Dafydd ap Gwilym," medda fo.

Amlygai hyn y cyfrifoldeb sydd yna ar ysgwyddau beirniaid wrth lunio canmoliaeth. Gallai disgrifiad o'r fath fod yn fodd i ddifetha bardd nad yw ei draed mor sad ar y ddaear a Rhys Iorwerth trwy greu disgwyliadau sy'n ormod o bwn ar ysgwyddau.

Ond does dim osgoi y ffaith na wnaeth y bardd ifanc 28 oed argraff fawr ac yr oedd gwefr arbennig mewn bod yn dyst ar y maes i boblogrwydd ei fuddugoliaeth.

Bonllefau o gymeradwyaeth hyd yn oed y tu allan i'r pafiliwn.

A chriw o ferched ifainc glandeg yn gwthio yn erbyn ei gilydd i dynnu ei lun wrth iddo gamu i'r maes o'r Pafiliwn wedi'r seremoni ochr yn ochr 芒'r Archdderwydd.

Buddugoliaeth gyda'r ymateb mwyaf brwd iddi ers blynyddoedd ac yn brawf y gall yr hen, hen, seremoni hon gipio o hyd ddychymyg yr ifainc.

Ac mor hyfryd sylweddoli fod bod yn fardd ifanc llwyddiannus yn parhau o hyd yn rhywbeth rhamantus yng ngolwg ieuenctid c诺l yr unfed ganrif ar hugain.

Dim rhyfedd bod yr haul yn gwenu.

A gw锚n ar wyneb yr Archdderwydd yntau wrth iddo ddatgan bod y gynghanedd yn ddiogel am flynyddoedd i ddod ar 么l clywed bod pedwar yn y gystadleuaeth eleni y gellid eu Cadeirio.

Oedd, os maddeuwch yr ymadrodd, yr oedd y Cadeirio hwn yn goron ar wythnos nodedig - ac mae fory eto i ddod ar gyfer rhyw un ffling Eisteddfodol arall.

Ar y maes

I'r maes heddiw daeth 23,428 o bobl, cryn dipyn yn fwy nag ar gyfer y cadeirio yng Nglynebwy y llynedd, 17,294, a dim ond fymryn yn llai na'r 24,166 yn Y Bala yn 2009.

Hynny er gwaethaf y cruglwyth cwynion sy'n parhau am brisiau mynediad - mater mae'n si诺r y bydd yr Eisteddfod dan orfodaeth i'w drafod rhwng hyn a Bro Morgannwg.

Llenwi twll

Gan droi ein golygon tuag at Faes arall, rhywun a'i wynt yn ei ddwrn yn dweud wrthyf mai Stan Boardman, y comed茂wr o Lerpwl gyda'r ymadrodd "the Geeemans bombed our chippy" a enillodd Gystadleuaeth golff y Steddfod.

Dywedodd ei fod yn aelod gwrs Clays ger Wrecsam lle cynhaliwyd y gystadleuaeth eleni ac efo fo ar y cwrs yr oedd Denis Taylor y chwaraewr snwcer.

Gwybodaeth i lenwi twll ym mywyd sawl un ohono chi!