³ÉÈË¿ìÊÖ

Mae Martin yn cychwyn y cwrs (Rhaglen McGuire) ac fe'i dilynwn yn ystod deuddydd cyntaf y cwrs. Gwelwn Martin yn cerdded ar y stryd ac yna yn ei ystafell wely mewn gwesty. Mae'n dweud ei bod hi'n mynd i fod yn wythnos anodd, ddidrugaredd. Gwelwn gyflwyniad Alan Jones i'r cwrs a chlipiau o'r diwrnod cyntaf. Mae Martin yn dweud ei enw ac Alan yn dysgu Martin sut i anadlu. Ceir cyfweliad gydag Alan Jones sydd wedi dilyn y cwrs ei hun, ac mae e'n dweud bod y rhaglen wedi gweithio iddo. Diwrnod dau - heddiw maen nhw'n dysgu sut i anadlu. Mae'r cwrs yn bodoli ers 1994. Cafodd ei gynnal yn gyntaf gan Dave McGuire yn yr Iseldiroedd. Erbyn hyn, mae'n cael ei gynnal yn rhyngwladol. Yn ôl Alan nid yw'r rhaglen yn gweithio i bawb, ond gwelwn yn barod ei bod yn cychwyn gweithio i Martin. Mae Alan yn dweud bod a wnelo'r dull â chyswllt llygad ac anadlu. Mae hefyd yn dweud ei fod yn rhywbeth seicolegol sy'n effeithio ar y diaffram.