Cynnal breichiau
Yr oedd pennawd mewn papur dyddiol yr wythnos hon yn annog, "Prynwch ddau a thalwch am dri."
Do, fe glywsoch yn iawn - sylw cwbl groes i'r rhai welsom ni cyn y Nadolig.
Hysbyseb mewn ffenest siop yn Lloegr ydoedd - y perchennog yn protestio yn erbyn y codiad yn y dreth ar werth ac mi ddenodd yr hysbys bobl i'r siop nid i brynu ond i dynnu sylw at y camgymeriad tybiedig.
Defnyddiodd y siopwr y cyfle i draethu ar ei brotest. Yn sicr mae cydymdeimlad 芒'r siopwr ond protest negyddol ydoedd mewn ffordd.
Angen mwy
Oherwydd colli swyddi a'r toriadau ar wariant cyhoeddus, dywedir wrthym y bydd galw am fwy o wasanaeth gwirfoddol i helpu teuluoedd, y di-waith, pobl ac anghenion arbennig a'r henoed.
Dywedir y bydd hyn yn cynyddu consyrn pobl am ei gilydd.
Mae gennym ymadrodd sydd yn rhan o'n hiaith bob dydd bellach ond a daeth yn wreiddiol o'r Beibl. Wrth feddwl am bobl sy'n rhoi mwy o wasanaeth na'r disgwyl dywedir eu bod yn barod i fynd yr ail filltir.
Yr oedd y siopwr am i'w gwsmeriaid wybod fod pob dim yn ei siop yn costio mwy ond yn llawer mwy cadarnhaol mae cymdeithas yn dweud bod gwasanaeth pobl i'w gilydd yn mynd i gostio mwy ohonynt eu hunain, i helpu eu cyd-deithwyr ar daith bywyd.
Pobl ar eu gorau
Nid yw'r un ohonom yn dymuno gweld neb yn colli ei waith na chwaith yn dioddef oherwydd nad oes cymorth swyddogol i'w gael ond efallai, y flwyddyn hon, os bydd y darogan am effeithiau y toriadau yn wir, y gwelwn bobl ar eu gorau yn barod i helpu a chynnal ei gilydd ac yn barod i fynd yr ail filltir.
Bydd pobl yn cwyno ac yn pryderu ac nid heb achos ond ochr arall i'r geiniog yw y bydd eraill o waelod calon yn barod i fynd yr ail filltir i helpu a lleddfu gofidiau ei gilydd.
Gawn ni ofyn:
A glywaist ti ein Iesu
Yn galw ni'n gyt没n?
I ddangos bod ei gariad
At bob anghenus un.
