Daeth boreau cynnar yn fwy cyfarwydd i mi'n ddiweddar, ers i ni gael ein plentyn bach cyntaf ychydig dros saith wythnos yn 么l.
Fel y gwyddoch chi, pan fydd babanod yn penderfynu eu bod nhw eisiau bwyd, yna mi fydd gofyn codi ar unwaith o'ch gwely cynnes i'w bwydo.
Yn ystod y dyddiau cyntaf ar 么l i ni ddod adref o'r ysbyty, roedd Gwen fach 'cw yn dueddol o orfwyta a'i stumog hi'n methu dygymod 芒'r fath swm o fwyd. Yn llythrennol, dwi'm yn amau, roedd ei llygaid hi'n fwy na'i bol.
Wrth iddyn nhw dyfu'n oedolion, ac wrth i'w rhieni nhw sylweddoli faint o fwyd maen nhw ei angen, daw babanod i sylweddoli faint sydd ei angen i'w cynnal nhw am y tro.
Dechrau amau
Wel, dyna'r theori, beth bynnag ond wrth edrych ar rai o'r penawdau newyddion bore 'ma, mae rhywun yn dechrau amau hynny.
Dyna i chi alwad George Osborne, Canghellor y Trysorlys, ar i bawb ohonom fod yn rhan o ymgynghoriad ar ddyled Prydain. Mae angen ailystyried sut mae'r wlad yn gwario ei harian, meddai Mr Osborne, gan i'w rhagflaenwyr nhw yn y llywodraeth wario'n rhy afradlon.
Mewn banc
Dyna i chi hanes Jerome Kerviel, wedyn, un o hapfasnachwyr banc y Societe Generale yn Ffrainc, sy'n wynebu achos llys ar 么l i drosdros bedwar biliwn o bunnoedd gael eu colli - ie, dyna chi, biliwn ddywedais i - o arian y banc hwnnw.
Wrth geisio chwyddo coffrau'r banc aeth y twll yn ddyfnach bob tro. Ac o s么n am dyllau, beth am hanes y twll hwnnw ym mhibell olew BP oddi ar arfordir Unol Daleithiau'r America?
Trychineb mwyaf
Dyma'r trychineb amgylcheddol mwyaf a welodd y wlad farus honno erioed, yn 么l y s么n. Mae ugain miliwn a mwy o alwyni o olew wedi llifo o'r bibell i'r m么r a phwy 芒 诺yr pryd y daw pethau yn 么l i drefn yno.
Wrth glywed y stor茂au hyn i gyd, mae rhywun yn cofio am yr hen chwedl honno am y dyn oedd yn gwerthu melin a oedd yn cynhyrchu faint fynnech chi o win. Mi gymrodd y prynwr y felin yn awchus, gan fethu credu ei lwc - cyflenwad di-ben-draw o win.
Eisiau ac angen
Pan ddychwelodd y gwerthwr rai wythnosau'n ddiweddarach, roedd llyn mawr o win yno, a'r perchennog wedi boddi yn y gormodedd o win. Er ei fod o wedi deall sut roedd cychwyn y peiriant, yn ei frys i fwynhau'r gwin, doedd y prynwr ddim wedi cofio holi beth fyddai o ei angen ei wneud pan oedd o wedi cael digon.
Gydag elw a chynnydd personol yn cael blaenoriaeth dros bob dim arall gan gynifer, onid oes gofyn edrych ymhellach na hynny, a dysgu beth ydi'r gwahaniaeth rhwng 'eisiau' ac 'angen'?
