 |
|
Holi
awdur:
Mici Plwm
Awdur
y gyfrol ddiweddaraf yng Nghyfres y Cewri
Dydd Iau, Tachwedd 7, 2002 |
•
Enw:
Mici Plwm
• Beth yw eich gwaith?
Cyfarwyddwr Artistic,Theatr Ardudwy Harlech,Gwynedd.
• Pa waith arall ydych chi wedi bod yn ei wneud?
Rwyf yn dal i gael cyfle i actio ar y teledu; radio a llwyfan o dro
i dro. Pan fydd prysurdeb y gwaith yn Theatr Ardudwy yn caniatau fe
fyddaf wrth fy modd yn teithio ac ysgrifennu.
• O ble'r ydych chi¹n dod?
Wedi fy ngeni a fy magu ym mhentref Llan Ffestiniog.
• Lle'r ydych chi¹n byw yn awr?
Dwi fel sipsiwn - does wybod ble i gael gafal arnai! Cnociwch ddrws
yn unai Harlech; Caerdydd; Pwllheli neu ym mhentref Matochi,Ynys Agistri,
Groeg
• Pa ddigwyddiad roddodd fwyaf o bleser ichi?
Bwyta fy nghyri cyntaf a dysgu sut i chwibanu heb boeri….
• Beth wnaeth ichi sgrifennu eich llyfr diweddaraf? Dwedwch ychydig
amdano.
Gwasg Gwynedd yn fy mherswadio fod yna stori i'w dweud. Lyn Ebenezer
yn cynorthwyo i groniclo a rhoi trefn ar bethau - a diolch iddo, mae'n
ffrind da.
Braint ydi bod yn un o awduron Cyfres y Cewri o ystyried ma
rhyw bum troedfedd a dim ydwi. Gobeithio bydd y cynnwys yn dangos
bod "taith bywyd yn medru bod yn ddifir" - hyd yn oed os ma dim ond
tystysgrif Special Arithmetic oedd ganddoch yn gadael yr ysgol.
• Beth arall ydych chi wedi eu sgrifennu?
Sgriptiau teledu; theatr a radio a erthyglau amrywiol i gylchgronau
a llyfrau teithio…
• Pa un oedd eich hoff lyfr pan yn blentyn?
Y Beibl
• A fyddwch yn edrych arno'n awr?
Byddaf yn eitha aml pan yn paratoi i fynd I annerch/bregethu ambell
i Sul…
• Pwy yw eich hoff awdur?
Neb penodol. Er prysurdeb, yn darllen llawer mwy y dyddiau yma, yn
enwedig yn y bwthyn yn Matochi, Ynys Agistri…
• A oes unrhyw lyfr wedi gwneud argraff arbennig neu ddylanwadu
arnoch?
Na
• Pwy yw eich hoff fardd?
Mwynhau gwaith nifer o feirdd. Yn ddiweddar cael blas mawr ar waith
Michael Davitt o Iwerddon.
• Pa un yw eich hoff gerdd?
Ma pob cân o waith Emyr Huws Jones ac Alun "Sbardun" Huws yn
gerddi i mi….
• Pa un yw eich hoff linell o farddoniaeth?
Tydi Benllech ddim yn nefoedd enwedig yn yr Haf….
• Pa un yw eich hoff ffilm a rhaglen deledu?
Ffilmiau: Wedi gwylio Saturday Night and Sunday Morning
dros ddwsin o weithiau ac yn dal i fwynhau…
Teledu: Rhaglenni dogfen da sydd yn plesio - ond mae yna ambell
i glasur ymysg C'mon Midffîld hefyd..
• Pwy yw eich hoff gymeriad a'ch cas gymeriad mewn llenyddiaeth?
Tydwi ddim wedi meddwl nac ychwaith ystyried y peth. Barti Ddu o Gasnewydd
Bach yn gês ddwedwn i…
• Pa ddywediad, dihareb, adnod neu gwpled sydd agosaf at y gwir?.
Tlws yw popeth bychan
• Pa un yw eich hoff air?
Pero
• Pa ddawn hoffech chi ei chael?
Yn ddiolchgar eithriadol am hynny o ddoniau ges i - ond mi faswn yn
hapus iawn taswn i'n medru canu fel Gwyn Hughes Jones…
• Pa dri gair sy'n eich disgrifio chi orau?
±á²¹±è³Ü²õ….
µþ²â³¦³ó²¹²Ô…
Crwn.
• A oes rhywbeth yr ydych yn ei ddrwglecio amdanoch eich hunan?
Ma byw ar ben fy hun am flynyddoedd wedi fy ngwneud yn un twt iawn
- ac yn annioddefol o annibynnol weithiau…
• Pa berson byw neu hanesyddol ydych chi¹n ei edmygu fwyaf a
pham?
Athro Hywel Teifi Edwards - person ffraeth gyda dawn dweud arbenig
ac yn un annwyl iawn. Pleser a braint ydi bod yn ei gwmni dros beint
neu ddau….
• Pa ddigwyddiad hanesyddol fyddech chi wedi hoffi bod yn rhan
ohono?
Unrhywbeth morwrol ond bod y cyfaill y diweddar Aled Eames yno hefyd…
• Pa berson hanesyddol hoffech chi ei gyfarfod a beth fyddech
chi yn ei ddweud neu'n ei ofyn?
Falch o gyfarfod nifer - tebyg y baswn i'n deud 'Helo' - dwi'n
berson swil iawn nes byddai wedi dod i adnabod pobol. . .
• Pa un yw eich hoff daith a pham?
O Gymru i Ynys Agistri, Groeg…
• Disgrifiwch eich hoff bryd bwyd?
Pysgod o'r môr wedi eu glanio yn harbwr Milos gan Aris a'u coginio
gan ei chwaer, Katrina - eu golchi i lawr hefo krasi lleol…
• Beth yw eich hoff weithgareddau amser hamdden?
Hwylio a theithio i ynysoedd
• Pa un yw eich hoff liw?
Brown fatha cyri…
• Pa liw yw eich byd?
Gwyrdd dwi'n ama…
• Pe gallech gyflwyno deddf newydd beth fyddai hi?
Deddf Iaith bendant.
• A oes gennych lyfr arall ar y gweill?
Oes dau neu dri….
• Beth fyddai'r frawddeg agoriadol ddelfrydol i nofel neu waith
llenyddol arall?
Llaciodd Maldwyn felt ei drowsus ac fe darodd rechan wnaeth fymryn
o blastar syrthio o nenfwd y gegin gefn.
"Madras bendigedig," meddyliodd . . .
|
|
|
Gair
am air
Siart
Cymru
Llyfrau
ar y We
Nôl
i'r archif
