Toiseach brònach airson an SNP anns an Aghaidh Mhòir
Bheir bàs Billy Wolfe an-diugh aig aois 86 sgà ile air co-labhairt an SNP anns an Aghaidh Mhòir.
B' e Billy Wolfe ceannard a' phà rtaidh bho 1969 gu 1979 agus b' ann fon cheannas aigesan a fhuair am pà rtaidh an torradh a b' fheà rr aca a-riamh ann am taghadh do phà rlamaid Westminster.
Chaidh 11 buill-pà rlamaid nà iseantach a thoirt do Thaigh nan Cumantan ann an 1974, ged a chaill naoinear dhiubh na seataichean aca ann an 1979.
An-diugh, ged a tha am pà rtaidh ann an cumhachd ann am Pà rlamaid na h-Alba, a chaidh a stèidheachadh as dèidh darna referendum ann an 1997, chan eil ach seachdnar aig an SNP mu dheas.
Rinn ceannard an là an-duigh, Ailig Salmond, luaidh air Billy Wolfe, ag rà dh gum b' ann fo stiùireadh esan a chaidh an SNP na phà rtaidh phroifeiseanta.
Seasaidh muinntir a' phà rtaidh airson mionaid de shamhchair mus tòisich obair a' cho-labhairt a-mà ireach.
'Gasgaich ionadail'
'S e targaid an SNP 20 ball-pà rlamaid a chur gu Westminster as dèidh an taghaidh a tha dìreach seachdainnean air falbh.
Nan robh sin a' coimhead duilich nuair a chaidh a foillseachadh an uiridh, tha e a' coimhead fiù 's nas duilghe a-nis.
Gu dearbh, dh'fhaoidte nach dèan Ailig Salmond iomradh air an targaid sin idir - chì sinn nuair a ghabhas e an òraidh aige a-mà ireach.
Ach, bidh am prìomh mhinistear a' feuchainn ris a' phà rtaidh a bhrosnachadh airson an sabaid a tha romhpa.
'S e teachdaireachd a' phà rtaidh gum biodh buill nà iseantach nan 'gasgaich ionadail', a' seasadh suas airson Alba ann am Westminster.
Tha Mgr Salmond den bheachd gu faodadh iad buaidh mhòr a thoirt air cùisean mura bhios mòr-chuid aig pà rtaidh sam bith as dèidh an taghaidh.
Agus, their e, gun dìonadh iad Alba bho ghearraidhean a' tighinn à Westminster.
A-nochd, ge-tà , 's e oidhche bhrònach a tha seo airson an SNP, agus airson poileataigs na h-Alba anns an fharsaingeachd.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
