Ambell ddyfyniad
Rhai pethau a glywyd ac a ddarllenwyd yn ystod yr wythnos a fu. Casgliad wythnosol o sylwadau a welwyd yn y wasg ac a glywyd ar y cyfryngau Cymreig.
A beth am rannu ambell i sylw dwys, doniol neu ddifyr a welsoch chi. . .
- Gan fy mod i heibio fy mhreim fydda i ddim yn gallu chwarae rygbi ond gan fy mod i'n actor bydd yn rhaid imi edrych fel pe gallwn i. Ac fe fydd hynny yn gryn waith i ddechrau - Mickey Rourke sy'n paratoi i chwarae rhan Gareth Thomas mewn ffilm.
- Mae'r cefnogwyr yn gweiddi o'ch cwmpas yn gwneud i chi chwarae'n dda - Gareth Thomas yn siarad am chwarae yn Stadiwm y Mileniwm. Ond nid pawb, bob tro, yn anffodus, fel y gŵyr cefnogwyr rygbi ond yn rhy dda.
- O fannau annisgwyl y daw y pethau sydd o gymorth. Mewn blagur blodyn, mewn cyfarchiad, mewn amlen mewn gwên ar wyneb plentyn. Gafaelwch yn y pethau hyn i gyd, a'u hystyried yn fendithion - Angharad Tomos yn myfyrio dros brofedigaeth a galaru yn adran 'Yr Herald Cymraeg' yn y 'Daily Post'.
- . . . clwb pêl-droed wedi prynu . . . Fernando Torres am £50 miliwn. Eitem arall ar y newyddion fod Sefydliad Prydeinig y Galon yn gobeithio, drwy waith caled gwirfoddolwyr, i god £50 miliwn dros . . . bum mlynedd i ymchwilio i'r posibilrwydd o adfer calon glwyufedig. Mae'n rhyfedd o fyd - Tudur Ellis, Cadeirydd Cangen Caernarfon SPYG mewn llythyr yn 'Y Cymro'.
- Efallai bod rhywfaint o flinder eisteddfodol fel petai . . . efallai bod rhyw deimlad 'O, na, dim eto!' - Y Prifardd Robat Powell yn ymateb i i godi arian tuag at eisteddfod genedlaethol y mudiad yn Abertawe eleni.
- Ro'n i'n siarad efo rhywun y diwrnod o'r blaen, ac roedd o'n dweud wrtha'i: 'Mae pobol yn dod i mewn i S4C gyda gwên ar eu hwyneb - Rheon Tomos, is gadeirydd Awdurdod S4C, yn dweud wrth 'Golwg' bod yr ysbryd yn uchel ymhlith y staff o fewn S4C. Gobeithio bod y gwylwyr yn gwenu hefyd.
- Mae gennym ni gynllun trwsio newydd ac yn lle mynd yn ôl a 'mlaen i'r un hen dyllau a rhoi rhywbeth dros dro - nawr byddwn yn gorffen y gwaith yn iawn yn y fan a'r lle - Y , sy'n gyfrifol am drafnidiaeth ar bwyllgor gwaith Cyngor Caerdydd.
- Dydw i erioed wedi bod yn siwr be ydi ystyr dweud fod 'brwydr yr iaith drosodd'. Iawn, mi fedrwn ni bwyntio at nifer o fuddugoliaethau dros yr hanner can mlynedd ddiwetha ond mae'n rhaid i ni gydnabod hefyd fod yr iaith wedi colli tir fel iaith gymunedol fyw - Alun Ffred Jones AC, Gweinidog Treftadaeth Llywodraeth y Cynulliad, yn 'Y Cymro'.
- Mae mynd ag arian oddi wrth elusennau Cymreig i dalu am ddigwyddiad na fydd o fawr fantais i'n gwlad ni yn anghyfiawnder mawr - y Parchedig Dr Geraint Tudur, Ysgrifennydd Cyffredinol Undeb yr Annibynwyr, yn anhapus bod elusennau yng Nghymru ar eu colled oherwydd y Gemau Olympaidd.
- Galla i eistedd rwan am oriau heb fod neb yn dweud dim wrtha i achos bod gen i ddigon o atgofion yn gyrru rownd fy mhen - Iona Trevor Jones, y trefnydd blodau, a fydd ar y rhaglen deledu O'r Galon nos Sul am 2030 a nos Fawrth 2200.
