Buches Gwent
Mae yma geffyl ac mae yma wartheg - ond hyd yn hyn does yna ddim cowboi i'w weld yn unman!
Wel nid yn yr ystyr llythrennol beth bynnag.
A dydi'r ceffyl a'r gwartheg ddim yn rhai sy'n mynd i achosi llawer o drafferth i neb ychwaith.
Metel yw'r ceffyl ac mae'n iawn sefyll tu ôl iddo heb ofni cic.
Ac wrthi'n cael eu peintio yr oedd y tair buwch gan ddwy o swyddogion Cyngor Celfyddydau Cymru.
Cyrhaeddodd y gwartheg faes yr Eisteddfod yn syth o'r 'Royal Welsh' yn Llanelwedd ac wedi cael côt eisteddfodol o baent bydd pob math o wybodaeth a ffigurau am y celfyddydau yn cael eu gosod arnyn nhw ac fe fyddan nhw wedyn yn cael eu gadael mewn gwahanol leoedd ar y Maes.
Cadwch eich llygaid yn agored amdanyn - mae yna rywbeth i'w ddysgu gan fuwch hyd yn oed fe ymddengys!
