���˿���

Dè th' ann am bloigh?

Tha bloigh a' ciallachadh pàirt de rud no grunn phàirtean de rudeigin.

Tha dà phàirt ann am bloigh:

• Tha an àireamh air a' mhullach ag innse cia mheud pàirt a th' ann
• Tha an àireamh air a' bhonn a' sealltainn cia mheud pìos dhan deach rud a roinn

Tha ½ a' ciallachadh gun deach 1 phàirt de rud a roinn ann an 2 phàirt.

Canaidh sinn leth ris a seo.

Ma chuireas tu ris dà leth, gheibh thu aon.

½ +½ = 1

Tha ⅓ a' ciallachadh gun deach 1 phàirt de rud a roinn ann an 3 pàirtean.

Canaidh sinn treasamh ris a seo.

Ma chuireas tu ris trì treasamhan, gheibh thu aon.

⅓ + ⅓ + ⅓ = 1

Tha ¼ a' ciallachadh gun deach 1 phàirt de rud a roinn ann an 4 pàirtean.

Canaidh sinn cairteal ris a seo.

Ma chuireas tu ris ceithir cairtealan, gheibh thu aon.

¼ + ¼ + ¼ + ¼ = 1