³ÉÈË¿ìÊÖ

'S e buidseatadh liosta de theachd-a-steach is de chosgaisean thar ùine no tachartas sònraichte. Leis an liosta, thèid agad air co-dhùnadh a dhèanamh mu theachd-a-steach is mu chosgais rè ùine.

Tha teachd-a-steach a' ciallachadh sùim pàighidh aontaichte 'son ùine aontaichte. Faodaidh teachd-a-steach cuideachd riadh bho chunntasan-sàbhalaidh, creideasan cìse is sochairean a ghabhail a-steach.

Nuair a bhios tu a' dol a cheannach rudeigin bu chòir dhut am bargan as fheàrr fhaighinn le bhith coimeas an fhiosrachaidh mun nì no mun t-seirbheis, na cumhachan a th' air an tairgse is prìs an nì.

Ro thuras a-null thairis, feumar tric d' airgead atharrachadh gu airgead na dùthcha dha bheil thu a' dol. Airson sin obrachadh a-mach, tha reatan iomlaid ann. Uaireannan bi coimisean ri phàigheadh.

Ma tha airgead air iasad, bidh an riadh ga chur-ris an airgead a tha ri phàigheadh air ais. Ma tha airgead air a shàbhaladh, bidh an riadh ga chur-ris an t-sùim iomlan.

Faodar seataichean-dàta agus plot-bhogsaichean a choimeas agus am mìneachadh gus anailis a dhèanamh air na coltasan agus na diofaran a th' annta.

Leigidh graf-sgapte leinn a' cho-dhàimh eadar seataichean-dàta a shealltainn gu grafaigeach. Ma tha co-dhàimh làidir ann 's urrainn an loidhne as freagarraiche a tharraing airson barrachd mìneachaidh.

Faodar fiosrachadh staitistigeach a shealltainn ann an diagraman. Tha an earrann seo a' sealltainn ri bhith a' tarraing, a' mìneachadh agus a' coimeas dhiagraman.

Cleachd factar-sgèile gus cumadh a mheudachadh/lùghdachadh. Ma tha faid a dhìth air cumadh lùghdachaidh/meudachaidh, thèid agad air obrachadh a-mach le bhith a' lorg an fhactar-sgèile loidhneach aige.