���˿���

Mae cryfder craidd yn bwysig iawn ac yn dy alluogi i wneud i dy gorff weithio i greu effeithiau Theatr Gorfforol.

Os mai'r corff ydy offeryn cerdd yr actor, sut galli di gynhyrchu cerddoriaeth Theatr Gorfforol? Pa dechnegau ddylet ti eu hystyried?

• Meim – Symudiad arddulliedig ydy hyn fel arfer ond gall fod yn gymharol realistig.
• Ystum – Gall ystum fod yn rhywbeth bach ond gall gael effaith emosiynol neu gall fod yn symudiad penodol sy'n diffinio cymeriad.
• Statws - Gellir dangos hyn gyda lefelau, pellter neu gryfder cyswllt, neu gyfuniad o'r rhain i gyd gyda gwaith llais.
• Agosrwydd – Mae pa mor agos y byddi di at dy gyd-berfformwyr neu ba mor bell y byddi di oddi wrthyn nhw’n gallu creu effaith bwerus iawn.
• Safiad – Mae hyn yn gysylltiedig â chryfder oherwydd gall y corff ddangos pendantrwydd ac awdurdod neu wendid drwy'r safiad, gan gynnwys osgo.
• Gerwinder a thynerwch - Defnyddir y rhain yma fel termau ymbarél i nodi symudiadau’n dod at ei gilydd mewn gwaith corfforol i fynegi emosiynau'r darn.
• Symudiad - Mae angen ymarfer pob symudiad yn union.
• Peidio â symud – Os ydy'r cymeriadau eraill yn symud, gall aros yn llonydd gael effaith bwerus. Gall cyferbyniad llonyddwch fod yn rhan effeithiol o’r ddrama.
• Gwaith mwgwd - Mae effaith mwgwd yn weladwy a heb nodweddion yr wyneb i ddangos y gweithredu, mae symudiad yn dod yn offeryn perfformio mwy canolog byth.
• Gwaith dawns – Paid ag ofni cynnwys dawns yn dy waith; does dim rhaid i ti fod yn ddawnsiwr profiadol. Mae lle i symudiadau dawns syml neu gomig mewn Theatr Gorfforol.
• Motiff - Defnydd dro ar ôl tro o batrwm symud ydy hyn ag iddo ystyr ac mae’n ein hatgoffa o thema ganolog y gwaith.