���˿���

Beth am gymdeithas y cyfnod? Pan fyddwn ni’n sôn am y cyfnod, mae angen i ni gofio bod y ddrama Macbeth wedi ei gosod yn y gorffennol, hyd yn oed yn oes Shakespeare. Roedd hyn yn rhoi rhywfaint o ryddid iddo o ran yr hyn roedd yn ei ddweud. Roedd y Macbeth go iawn yn frenin ar yr Alban yn yr 11eg ganrif. Ond roedd trais yn gyffredin yn y ddau gyfnod. Mae cymdeithas Macbeth yn hierarchaidd iawn, gan olygu bod arwyddocâd mawr i’r frwydr am y goron.

Roedd cynllun seddi’r theatr yn adlewyrchu natur cymdeithas ar y pryd. Roedd y ‘groundlings’, y bobl oedd yn prynu’r tocynnau rhataf ac yn sefyll o flaen y llwyfan, ar waelod hierarchiaeth cymdeithas a oedd â system ddosbarth gref. Roedd yr arglwyddi yn eistedd ar seddi â chlustogau i fyny yn yr oriel uchaf. Roedd y theatr yn sylwebydd cymdeithasol pwysig yn oes Shakespeare, felly dydy hi ddim yn syndod fod y theatr yn ficrocosm o’i fyd.