���˿���

Mae darllen adolygiadau beirniaid proffesiynol yn dangos bod cyfle i fod yn greadigol wrth ysgrifennu adolygiad. Mae modd cyfoethogi darn ffeithiol gyda geirfa dda, ansoddeiriau, ac o’u defnyddio’n ofalus, trosiadau a chyffelybiaethau. Mae ansoddeiriau’n bwysig am eu bod nhw’n dy helpu i fynegi dy farn bersonol yn effeithiol. Ond bydd yn ofalus nad ydy’r hyn rwyt ti’n ceisio’i ddweud yn cael ei golli yn dy ymdrech i fod yn awdur creadigol. Cadwa dy frawddegau’n fyr ac yn bwrpasol.

Mae’r beirniaid gorau’n mynegi eu barn yn glir ac yn ddifyr i’w darllenwyr fel mae’r adolygiad hwn o Y Gwyll yn ei ddangos:

Ceisia amrywio dy ddisgrifiadau a dy ansoddeiriau ym mhob adolygiad y byddi di’n ei ysgrifennu gan wrthsefyll y demtasiwn i fod yn fformwläig. Mae rhywun yn siŵr o sylwi os byddi di’n torri corneli. Dyma rai termau defnyddiol i’w cofio wrth ysgrifennu.

Felly cofia:

• paid ag adrodd stori’r ddrama – mae rhoi’r cyd-destun yn ddigon
• gwna’n siŵr dy fod yn cyfeirio at amrywiaeth o gyfryngau ac elfennau drama
• cadwa dy ysgrifennu a dy frawddegau’n ysgafn - paid â chrwydro nag ailadrodd dy hun
• mae modd i ti fod yn greadigol, ond cofia wneud dy bwyntiau’n glir
• rho dy farn dy hun ond gan ei chyfiawnhau gydag enghreifftiau i gefnogi dy ddadleuon
• strwythura dy waith i sicrhau ei fod yn gwneud synnwyr
• cofia dy fod yn gwerthuso’r cynhyrchiad, ac nid y ddrama
• ysgrifenna mewn ffordd gadarnhaol, gyda thôn broffesiynol