Dwysedd poblogaeth – haenau canolradd ac uwch
Mae dwysedd poblogaeth (wedi ei dalfyrru i DP yn aml) yn fesur cyfansawdd sy’n dweud wrthyn ni’n fras faint o bobl sy’n byw mewn ardal o faint penodol. Mae’n cael ei ddefnyddio’n aml i gymharu pa mor “boblog” yw dwy ardal.
Er enghraifft, Mumbai yw un o'r dinasoedd mwyaf poblog ar y ddaear, gyda thua 29,650 person y km2. Mae dwysedd poblogaeth Llundain tua 5,100 person y km2, sef llai nag un rhan o bump o un Mumbai!
Yr hafaliad ar gyfer dwysedd poblogaeth yw:
\(\text{dwysedd~poblogaeth}=\frac{\text{poblogaeth}}{\text{arwynebedd~y~tir}}\)
Rhan amlaf, mae’n cael ei fesur fel poblogaeth fesul cilometr sgwâr.
Question
Mae gan Athen (prifddinas Groeg) boblogaeth o 3,685,000 ac arwynebedd tir o 684 km2. Beth yw dwysedd poblogaeth Athen? Rho dy ateb i ddau le degol.
\(\text{dwysedd poblogaeth}=\frac{\text{poblogaeth}}{\text{arwynebedd y tir}}\)
\(\text{dwysedd poblogaeth}=\frac{\text{3,685,000 person}}{\text{684}~\text{km}^{2}}\)
\(\text{dwysedd poblogaeth = 5,387.43}~\text{person y km}^{2}\)
Question
Cyfrifa arwynebedd Las Vegas os yw’r dwysedd poblogaeth yn 1,750 person y km2 a’r boblogaeth yn 1,300,000 person. Rho dy ateb i ddau le degol.
\(\text{dwysedd~poblogaeth}=\frac{\text{poblogaeth}}{\text{arwynebedd~y~tir}}\)
Felly trwy ei ad-drefnu, cei:
\(\text{arwynebedd~y~tir}=\frac{\text{poblogaeth}}{\text{dwysedd~poblogaeth}}\)
\(\text{arwynebedd~y~tir}=\frac{\text{1,300,000}}{\text{1,750}}~\text{km}^{2}\)
\(\text{arwynebedd~y~tir}=\text{742.86}~\text{km}^{2}\)